349. De sancto Nicolao.

1 a. Ecce, dies perennalis,
Dies ista triumphalis,
In qua status clericalis
Exsultat cum laudibus:

1 b. Adest tempus opportunum,
De nubilo fit serenum,
Tempus istud fit iucundum,
Expenditur in precibus.

2 a. Angelicae potestates
Et Seraphin legiones
Caritate ardescentes,
Vos orate pro omnibus.

2 b. Vos, agmina caelestium,
Beatorum spirituum,
Chorus dominantium,
Pulsate vestris precibus.

3 a. Nunc coetus apostolici
Patriarchaeque iucundi,
Confessores et martyres,
Adeste nobis supplices ;

3 b. Chorus sacrarum virginum
Beatorumque omnium
Civium, simus heredes
Supernorumque consortes.

4 a. Properate nunc, lactentes,
Currat iuventus, impubes
Et tremuli, tardi senes,
Dum vivitis in vigore,

4 b. Omnis sexus, omnis aetas,
Quibus inest maturitas.
Ut laudes eius debitas
Concinat omni tempore.

5 a. Argolici recensentes,
Eius mira referentes,
Laudes sancti depromentes,
Praeclara beneficia.

5 b. Neque vox est neque sensus,
Nullae vires, nullum corpus,
Neque valet huius opus
Laudare per omnia.

6 a. Coenobitae, regulares

Et vos omnes saeculares,
Et ne sitis singulares
Psallentes cum melodia.

6 b. Adunetur totus chorus,
Noster coetus sit decorus,
Et concentus sit sonoras,
Cantet cum laetitia.

7 a. Nobilibus natalibus

Praenobilis, parentibus,
Nobilior virtutibus,
Ex nobili prosapia ;

7 b. Clarus per progenitores,
Claruit per sacros mores,
Mundi fugit tunc favores
Adhuc in infantia.

8 a. Iuxta nomen Nicolai
Gloriosa laus populi,
Victoria inimici.

8 b. Laus in terra, laus in mari,
Laudes ferat conditori,
Qui factus est sine pari.

9 a. Nicolaus mirificus,

Mira gerens munificus,

Erga omnes beneficus,

Conferens beneficia.

9 b. Miris miranda succedunt,
Mirabiles laudes crescunt,
Dum virtutes percipiunt
Tota mirante Graecia.

10a. Res est nova, res insignis,
Quod stat rectus, non declinis,
Tamquam firmus et stabilis
Et videtur immobilis
Adhuc in infantia.

10 b. Vagit infans, sed vagitus
Nunquam talis est auditus,
In balneo stat erectus
Tamquam pueriam perfectus,
Dei repletus gratia.

11 a. Bina die hebdomada

Carnis portat incommoda
Et substrahit alimenta
In hac vita misera.

11b. Ille parum laute pastus,
Tota die sic ieiunus,
Ab ubere abstemius
In aetate tenera.

12 a. Et in cunis vagientem

Videt natum, blandientem,
Voce gestu adplaudentem
Cum summa laetitia.

12 b. Lascivias pueriles
Devitabat inutiles,
Fugit actus juveniles
Hic in adulescentia.

13 a. Totus raptus in amorem
Meditatur legem sanctam,
Non humanam, sed divinam,
Et cum omni prophetia.

13 b. Sed maturitate morum
Tempus vivebat aetatum,
Quod miratur clericorum
Coetus super omnia.

14 a. A primaevo iuventutis
Fugit actus vanitatis,
It per viam paupertatis
Ad alta fastigia.

14 b. Parentibus iam defunctis
Confert sua mox egenis
Et egenus cum beatis
Pervenit ad caelestia.

15 a. Servus Dei fugit mundum,
Quem agnovit, hunc timendum,
Fugit vanum et obscaenum,
Ubi pedem cito trahit.

15 b. Sed lucerna mundo lucens,
Cunctis veram lucem prae-

bens,
Sub modio lumen ponens
Occultari non potuit.

16 a. Et immensum pondus auri
Sanctus offert genitori,
Ne puellae lupanari
Maritentur infamia.

16 b. Adest cunctis ferens opem,
Palmas tendit ad inopem,
Nec fastiditus pauperem
Propulsatur inopia.

17 a. Refulgentes tres puellas,
Venustate deeoratas,
Super omnes speciosas
Servat a calumnia:

17 b. Atque thoro coniugali
Coniunguntur maritali
Dato dono spiritali
Pontificis gratia.

18 a. Statim fugit incognitus
Dispensator Nicolaus
Insequentem fugientem,
Quem agnovit mox praesentem

18 b. Vide, inquit, ne loquaris,
Quamdiu hac vita moraris,
Ne te cunctis efferaris ;
Laudem effugit humanam.

19 a. Summum patrem exorabant,
Continue flagitabant
Et precibus hunc pulsabant
Fundendo preces supplices.

19 b. Servum Dei Nicolaum,
Praesentantem in atrium,
In divinum mysterium
Elegere pontifices.

20 a. Neque aura favorali
Nec tumultu populari,
Divinitus clericali
Ascribitur officio.

20 b. Nec pretio, nec precibus
Eligitur ab omnibus,
Non humano, sed divino
Praeficitur indicio.

21 a. Ante fores invenerunt,

Eius nomen mox inquirunt,
Praestolantem cognoverunt
Nullo tamen indicante.

21b. Nicolaus sum humilis,

Servus vestrae sanctitatis,
Verus cultor trinitatis,
Corde, voce praedicante.

22 a. Hunc elegit inter plures
Pontifices coaequales
Neque tamen inaequales,
Hunc ascivit super omnes ;

22 b. Propter morum gravitatem
Provectus in pontificem,
Sublimatus in apicem
Stolam meretur duplicem.

23 a. In precibus vigilabat,
Fame corpus atterebat
Et feminas evitabat,
Quasi pestem fugiebat.

23 b. Ignorantes admonebat
Et inopes defendebat,
Delinquentes arguebat,
Probos semper confovebat.

24 a. Quondam nautae fluctuantes
Inter fluctuum turbines,
Saevitiam patientes

Naufragatur in pelago ;

24b. Sed valida est tempestas,
Caelum commovit et undas,
Inter fluctus et procellas
Resolvuntur a naufrago.

25 a. Inundantes fluunt aquae,
Et phaselum pulsant undae,
Propelluntur aliunde,
Circumfertur omni vento ;

25 b. Pellunt undae, repelluntur,
Pulsantaquae, propulsantur,
Fere rates submerguntur,
Nulla quies a tormento.

26 a. Cuncta mortem intentabant,
Vitam morte commutabant,
Anchorae deficiebant,
Exspectantes naufragium ;

26 b. In rupibus conquassantur,
Gurgitibus obruuntur,
Circumquaque agitantur,
Promittentes excidium.

27 a. Intumescunt fluctus maris,
Conturbatur statim navis
Et iactatur tot procellis,
Iam de vita desperatur.

27 b. In abysso fit descensus,
Mox in alto fit ascensus,
Praestolatur interitus,
Praeter mortem nil spe-
ratur.

28 a. Et confractis in antemnis,
Ruptis velis, armamentis,
Est amissa spes salutis,
Praestolantes auxilium.

28 b. Illos iuvat in precibus,
Fractis remis rudentibus,
Una voce clamantibus
Praesens adest dicens:
assum.

29 a. Sancte pater, siste gradum,

Nostrum ne fugas aspectum,

Praebe nobis te benignum,

Te vocamus, exaudi nos.

29 b. Te videre cupivimus,
Laudes tuas audivimus,
Toto corde diligimus
Libera nos tribulatos.

30 a. Gloriose Nicolae,

Nunc a malis nos abstrabe,
Affer opem, manu trabe,
Dum sumus in miseria.

30 b. Mala nocent, immo prosunt,
Et adversa nos comprimunt,
Ad te redire compellunt
Ob salutis remedia.

31 a. Statim unda famulante,
Illo navi imperante,
Nauta portum applicante
Per Dei clementiam,

31b. Salva nave et mercibus
Cum tot salvis hominibus
Invocatus in precibus,
Agnoverunt praesentiam.

32 a. Caelum fit serenius
Et mare tranquillius,
Naves currunt velocius,
Cedit fragor et tempestas;

32 b. Aequoreos latices

Laeti nautae persulcantes,
Statim portum subeuntes,
Subsequitur serenitas.

33 a. Seges aegra negat victum
Et subtrahit alimentum,
Tollit victus supplementum,
Plebs vertitur in lamentum ;

33 b. Ecce, naves adveniunt,

In portu classes relinquunt,
Tendunt iter per devium,
Per pelagus tam immensum.

34 a. Nautae ventis vela dabant
Et ad portum applicabant
Et ad litus properabant
Disponente clementia.

34 b. In portu Adriatico
Oneratae sunt tritico
Rates cum magno classico
Ad vitae subsidia.

35 a. Date centenos modios
Et implete cito coros,
Fames premit tot populos,
Relevetur penuria.

35 b. Non audemus, sancte pater,
Mensuram dedit minister,
Ad Bisantum augustana
Remetimur stipendia.

36 a. Ego vobis polliceor

Minoratum non exactor,

Nec rigidus erit censor,

Mensuratum inveniet ;

36 b. Sed far alit per tres annos
Civitatis tot populos,
Multos confovit egenos,
Pro tempore sufficiet.

37 a. Adest cultor trinitatis
Et amator paupertatis
Nicolaus pontifex ;

37 b. Vita, salus et levamen,
Maestis adest sublevamen,
Nostrae salutis opifex.

38 a. Nam cohortes et phalangas,
Legionum tot catervas
Non veretur sanctus, eas
Et lictorem aggreditur.

38 b. O impie ac crudelis,

Vultum nostrum non videbis,
Vide, ne tu moriaris.
Incepto comprimitur.

39 a. O perversi vos iudices,
Tres iuvenes innocentes
Condemnastis ut noceutes,
Sunt immunes a crimine,

39 b. Hos iuvenes condemnatos
Incolumes et illaesos,
Statim vitae restitutos
Sine ullo discrimine.

40 a. Non mucrone conterritus
Et audacter est ingressus
Et cum velata facie
Et cum defixo poplite.

40 b. Nemo audet tunc mutire
Neque possunt contraire,
Cuius vultum nec videre,
Salvantur a pontifice.

41a. Ecce, pater clericorum,

Normamorum, lux doctorum,
Duc ad regnum electorum
Post tanta pericula.

41b. Huius vitae post laborem,
Quam quaesivit pretiosam,
Resolutus est in mortem
Post mundi curricula.

42 a. Et ex tumba marmorea
Atque crypta lapidea
Sacrum resudat liquorem
Sanans ac cunctis languorem.

42 b. Languor fugit ac dolore
Sospes redit ex languore,
Vivit in eius odore,
Dum talem sensit dulcorem.

43 a. Accurramus in odorem,

Praegustemus hinc saporem,
Rapiamur in amorem ;
Vitam confert aeternam.

43 b. Civis, hospes, peregrinus
Illic venit, extraneus,
Quisquis accedit infirmus,
Consequitur sanitatem.

44 a. Statim caecis visus datur,
Surdis auditus redditur,
Claudis gressus instauratur,
Paralysis effugatur ;

44 b. Ubi multa fiunt mira
Et miranda miracula,
Nec inanis revertitur,
Ubi sanitas redditur.

45 a. Sed Barenses quaterdenos
Cum septeno mittunt servos,
Afferentes membra sancta
In oleo natantia.

45 b. A capite fons olei,

A pedibus fons lvmphati,
Ut unguenta suavia
Profluunt redolentia.

46 a. Nicolae, sacerdotum

Honor, decus es praesulum,
Rege totum hunc conventum,
Ne ducatur ad tormentum,
Sed per tuum interventum
Solvatur a miseria.

46 b. Vide artus fatiscentes
Et sanie defluentes,
Morbosnostroslanguescentes
Et in salo fluctuantes,
Tempestates patientes
Et in arta custodia.

47 a. Opportunus esto portus,

Ne submergat statim pontus,
Sed ducatur exercitus,
Ubi summus est senatus,
Coronetur laureatus
In caelesti patria.

47 b. Ubi salus, ubi vita,
Ubi spes est reposita
Et praemia custodita,
Ubi bona stabilita
Semper erunt infinita,
Ubi quies et gloria.

48 a. Ubi non vita mortalis,
Sed ibi vita vitalis,
Ubi vita immortalis
Et regio aeternalis
Cum summa laetitia,

48 b. Ut fruamur summo bono,
Ubi bonum sine damno,
Malum versum est in bono,
Ne damnemur cum profano
In aeterna miseria.

49 a. Gloriosus episcopus,

Qui peregit bonum opus,
Securus scandit atria,

49 b. Ubi Deum in lumine
Et in supremo culmine
Nunc videt in essentia.