350. De sancta Syria.

1 a. Tuba Sion iucundetur,
Et iucunde moduletur
Clerus in ecclesia ;

1 b. Hac in die sponsa Dei
Summae datur requiei
Summa cum laetitia.

2 a. Virgo beata Syria

Caeli transit ad secreta
Felici victoria,

2 b. Cuius ope refulget Scotia,
Stet in fide, crescat in gratia
Consequatur caeloruni proe-
mia.

3 a. Laus est ista triumphalis,
Forma lucis aeternalis
Et exemplar gloriae.

3 b. Dies felix, dies laeta,
Qua beata Margareta
Mater Fiacrii, Syriae.

4 a. Natos praebes infecundis
Servatis mysteriis.

4 b. Iracundis pacem unis

Et in morte subvenis.

5 a. Hydropisis, stranguria,
Lapis, febris, bernia,

5 b. Surditas, pestis, scoria,
Caecitas, glaucomia,

6 a. Amentia, dementia,
Paralysis, furia.

6 b. Intercus, renes, dysuria.
Gutta, spasma, ftiria,

7 a. Gravella, fluxus, vesica,
Corpora malis nexa

7 b. Sanabuntur prece tua,
Precamur voce una:

8 a. O beata tn Syria,

Morborum medicina,

8 b. Post corpora dissoluta

Perduc nos ad aeterna.

9 a. Sis morborum medicamen.
Fessis esto sublevamen,
Tribulatis adiuvamen,
[AtqueJ maestis consolamens

9 b. Lapsis detur solacium,
Desperatis spei spatium ;
Esto nobis refugium
Adversus hostem impium.

10 a. O Syria, virgo pura,
Regia Scotiae filia,
Sancti Fiacrii soror,

10 b. Tu es stella eximia,

Praefulgens virginum gemma,
Campaniae laus et honor.

11a. Ad sepulcrum confugiunt
Tuum populi et sumunt
Sanitatis remedium ;

11b. Omnium plena virtutum
Medicina aegrotorum
Fer miseris auxilium.

12 a. Praepotens es miraculis
Omnium auxiliatrix,
Sis infirmis advocata;

12 b. Sis cunctis clemens et pia
In corpore et.anima,
Ut possideamus regna.

13 a. Vas electum, vas honoris,
Incorrupti flos odoris,
Angelorum grata eboris,
Honestatis et pudoris
Formam praesta saeculis.

13 b. Palma fruens triumphali,
Flore vernans virginali,
Nos indignos speciali
Fac sanctorum generali
Vel subscribi titulo.