353. In Translatione s. Augustini.

1 a. SummuspraesulHipponensis,
Civitatis Tagastensis
Augustinus pontifex,

1b. Sacris edoctus literis

Nomen vitae dat posteris
Scientiae artifex.

2 a. Plebs Affrica flagellatur
Per barbaros, cruciatur
Armis et incendio ;

2 b. Nulli sexui parcentes
Et omnia devastantes
Extremo excidio.

3 a. PosthaecHipponemvenerunt,
Manu forti obsederunt
Castella et moenia.

3 b. Sunt exsules a patria,
Qui tulerunt incendia
In magna angustia.

4 a. Et sub tali miseria
Augustini mens anxia
Maerore afficitur.

4 b. Hic gladio trucidatos
Videt, alios fugatos,
Prae dolore moritur.

5 a. Finitis novem mensibus
Urbs capitur cum civibus,
A Gothis devastatur.

5 b. Sanctum corpus sepelitur,
In ecclesia ponitur,
A turbis honoratur.

6 a. LugbrandusLonguoberdorum
Ob impetum barbarorum
lubet a Sardinia

6 b. Huius corpus hinc transferri,
Alio loco transferri
Magna reverentia.

7 a. Laetitiam rex immensam
Habet, cum ad Ianuensem
Civitatem venerunt.

7 b. Adcurrit tota civitas,
Fit populis hilaritas,
Turbae obviaverunt.

8a. Votum vovit rex fidelis:
Per hunc, qui regnat in caelis,
Si duci permiseris,

8 b. Dabo urbem Ticinensem,
Ante annum, ante mensem
Ibi honoraberis.

9 a. Et adventum audientes
Papienses venientes
Maximo cum gaudio

9 b. Corpus sanctum osculantur
Et oculis contemplantur
Magno cum tripudio.

10 a. Magne pater Augustine,
Praeceptor legis divinae,
Amator paupertatis,

10 b. Effice tuis meritis

Laxatis nostris debitis
Vivamus cum beatis.

11a. Nos transferat ad superna,
Ubi vera est lucerna
Et summa laetitia.

11b. Ex hoc mundo transferamur
Et ad caelum perducamur,
Ubi pax et gloria.