Acta Benedicti Pp. XVI 621

VII

Templum paroeciale Deo dicatum in honorem Sacratissimi Cordis Iesu in oppido

vulgo Dąbrowa Górnicza - Strzemieszyce, Sosnoviensi in dioecesi, ad gradum

Basilicae Minoris evehitur.

BENEDICTUS PP. XVI

Ad perpetuam rei memoriam. - Spiritale omnium Christifidelium bo-

num sollicite curantes, laetamur sane quotiescumque occasio Nobis datur

divinum cultum diffundendi atque sacras in toto orbe aedes exornandi. Ideo-

que, cum Venerabilis Frater Adam Śmigielski, Episcopus Sosnoviensis, cleri

populique vota interpretatus, rogaverit ut templum paroeciale Deo dicatum

in honorem Sacratissimi Cordis Iesu in oppido vulgo Dąbrowa Górnicza -

Strzemieszyce, intra fines memoratae dioecesis situm, ad dignitatem Basilicae

Minoris eveheretur, petitioni illi libenti animo obsecundare volumus. Scimus

enim hanc ecclesiam non solum magnitudine aedificii et pulchritudine orna-

mentorum eminuisse sed praesertim locum fuisse singularis pietatis quam

sacerdotes et fideles ibidem orantes demonstraverunt firmam fidem profiten-

tes. Itaque de Congregationis de Cultu Divino et Disciplina Sacramentorum

consulto, Apostolicae potestatis Nostrae plenitudine, statuimus ut sacra illa

aedes ad titulum ac dignitatem Basilicae Minoris evehatur, omnibus adiectis

iuribus et privilegiis, quae templis hoc nomine insignibus rite competunt,

secundum Decretum «De titulo Basilicae Minoris », die IX mensis Novembris

anno MCMLXXXIX datum. Contrariis quibusvis non obstantibus.

Datum Romae, apud S. Petrum, sub anulo Piscatoris, die XIX mensis

Augusti, anno MMVIII, Pontificatus Nostri quarto.

De mandato Summi Pontificis

c Tharsicius card. Bertone

Secretarius Status

Loco e Sigilli In Secret. Status tab., n. 97.291