Congregatio pro Gentium Evangelizatione 647

CONGREGATIO PRO GENTIUM

EVANGELIZATIONE

DECRETUM

de nominis dioecesis Rulengensis mutatione.

Cum Congregatio pro Gentium Evangelizatione, Decreto hac ipsa die V

mensis Iulii MMVIII, novam Dioecesim Kayanganam, cum territorio a Dioecesi

Rulengensi abstrahendo, in Tanzania erexisset, Exc.mus P.D. Severinus Ni-

wemugizi, Episcopus Rulengensis, postulavit ab Apostolica Sede ut denomi-

natio de Curia eiusdem circumscriptionis ecclesiasticae in nomen «Rulengen-

sis-Ngarensis » mutaretur, vernacula dictione Rulenge-Ngara vertenda.

Haec Congregatio, praehabito favorabili voto Exc.mi P.D. Iosephi Chen-

noth, Archiepiscopi tit. Milevi et Apostolici in Tanzania Nuntii, porrectis

precibus benigne annuendum censuit.

Quapropter, idem Dicasterium Missionale, vigore specialium facultatum

sibi a Summo Pontifice Benedicto Divina Providentia Pp. XVI tributarum,

praesenti Decreto, statuit ut deinceps Dioecesis Rulengensis novo nomine

«Rulengensis-Ngarensis », vulgo Rulenge-Ngara, designetur.

Ad haec perficienda, Congregatio pro Gentium Evangelizatione deputat

memoratum Exc.mum Nuntium Apostolicum.

Contrariis quibusvis minime obstantibus.

Datum Romae, ex Aedibus Congregationis pro Gentium Evangelizatione,

die XIV mensis Augusti, anno Domini MMVIII.

c Robertus Sarah a Secretis

P. Maximus Cenci, PIME

Subsecretarius Loco e Sigilli

In tab. Congr. pro Gentium Evangelizatione, Prot. n. 3529/2008