Aurelius Ambrosius, Episcopus Mediolanensis, d. 397.

 4. (1. ) Ad Galli Cantum.

 5. (2. ) In Aurora.

 6. (3. ) Ad Horam Tertiam.

 7. (4. ) Ad Horam Incensi.

 8. (5. ) In Nocte Natalis Domini.

 9. (6. ) In Sancti Iohannis E.

 10. (7. ) In Epiphaniis Domini.

 11. (8. ) In Natali Agnes, Virginis Martyris.

 12. (9. ) In Die Paschae.

 13. (10. ) In Natali Victoris, Naboris, Felicis, Martyrum Mediolanensium.

 14. (11). In Inventione Protasii et Gervasii, Martyrum Mediolanensium.

 15. (12). In Festo Petri et Pauli Apostolorum.

 16. (13. ) In Sancti Laurentii Martyris.

 17. (14). In Natali Beatorum Martyrum.

 18. (15. ) Ad Horam Tertiam.

 19. (16. ) Ad Horam Sextam.

 20. (17. Ad Horam Nonam.

 21 .

5. (2. ) In Aurora.

1. Splendor paternae gloriae, De luce lucem proferens, Lux lucis et fons luminis, Diem dies illuminans,

2. Verusque sol, illabere Micans nitore perpeti Iubarque sancti spiritus Infunde nostris sensibus.

3. Votis vocemus et patrem, Patrem perennis gloriae, Patrem potentis gratiae, Culpam releget lubricam.

4. Informet actus strenuos, Dentem retundat invidi, Casus secundet asperos, Donet gerendi gratiam.

5. Mentem gubernet et regat Casto, fideli corpore, Fides calore ferveat, Fraudis venena nesciat.

6. Christusque noster sit cibus, Potusque noster sit fides, Laeti bibamus sobriam Ebrietatem spiritus.

7. Laetus dies hic transeat, Pudor sit ut diluculum, Fides velut meridies, Crepusculum mens nesciat.

8. Aurora cursus provehit, Aurora totus prodeat, In patre totus filius Et totus in verbo pater.