▾
Ambrose of Milan, Analecta Hymnica – L. Hymnographi Latini. Series Altera
⎗←→⎘
▾
Aurelius Ambrosius, Episcopus Mediolanensis, d. 397.
8. (5. ) In Nocte Natalis Domini.
9. (6. ) In Sancti Iohannis E.
10. (7. ) In Epiphaniis Domini.
11. (8. ) In Natali Agnes, Virginis Martyris.
13. (10. ) In Natali Victoris, Naboris, Felicis, Martyrum Mediolanensium.
14. (11). In Inventione Protasii et Gervasii, Martyrum Mediolanensium.
15. (12). In Festo Petri et Pauli Apostolorum.
16. (13. ) In Sancti Laurentii Martyris.
1. Hic est dies verus Dei Sancto serenus lumine, Quo diluit sanguis sacer Probrosa mundi crimina,
2. Fidem refundens perfidis Caecosque visu illuminans; Quem non gravi solvit metu Latronis absolutio?
3. Qui praemium mutans cruce Iesum brevi quaesiit fide Iustosque praevio gradu Pervenit in regnum Dei.
4. Opus stupent et angeli Poenam videntes corporis Christoque adhaerentem reum Vitam beatam carpere.
5. Mysterium mirabile, Ut abluat mundi luem, Peccata tollat omnium Carnis vitia mundans caro !
6. Quid hoc potest sublimius, Ut culpa quaerat gratiam, Metumque solvat caritas, Reddatque mors vitam novam ?
7. Hamum sibi mors devoret Suisque se nodis liget, Moriatur vita omnium, Resurgat ut vita omnium ?
8. Cum mors per omnes transeat, Omnes resurgant mortui, Consumpta mors ictu suo Perisse se solam gemat.