CAPUT XX.

Qualiter in praedictis nemo obligetur ad culpam mortalem.

Caeterum in praemissis omnibus, ad quae fratres et sorores hujus ordinis non ex divinis praeceptis vel statutis tenentur ecclesiae, nullum ipsorum ad mortalem culpam volumus obligari, sed impositam sibi poenitentiam pro transgressionis excessu prompta humilitate recipiat et efficaciter studeat adimplere.

S. FRANCISCI ASSISIATIS

Operum

PARS III.

Tertia hac b. Francisci operum parte multa variaque continentur et ea quidem pulchra et eximia, Pro suo studio et judicio omnis, quicunque est, plurima reperiet, quae complectatur, nihil, quod rejiciat, et si quis, quae hic traduntur, minus in rem suam potest convertere, facile tamen conferet ad Franciscum cognoscendum. Certe " quaesivit verba utilia et conscripsit sermones rectissimos ac veritate plenos. " Ceteroqui, quo singula faciliorem habeant intellectum, notae necessariae non deerunt.

Sequuntur igitur primum