63. (10. ) Hymnus sanctae Mariae.

1. Ut virginem fetam loquar, Quid laude dignum Mariae? Det partus, ornet, exigat, Quod clausa porta, quod patens

2. Exposcit, ipsa suggerat. Sint verba ceu miraculum; Quid, mens, requiras ordinem? Natura totum perdidit.

3. Hoc est salus, quod vincimur. Cum sola virgo degeret, Concepit aure tilium, Stupente factum corpore

4. Turgescit alvus spiritu.

Quod lingua iecit, semen est, In carne Verbum stringitur. De matre cunctus noster est,

5. De patre nil distans Deus. Utrisque partus integer, Qui gignit et qui percipit. Nil maior ille servulis,

6. Sed nec minor creante fit. Fons dicta clausus accipit. Fons membra clausus egerit, Nec rima crescit artior

7. Et vera proles emicat.

Dic, mater et virgo, precor, Quisquamne claudit exiens? Artantur exta fetibus,

8. Vinclum pudoris natus est. Q[uae se]de Cbristi dignior, Quam sunt superna, crederis, Nostri memento praepotens.