65. (12. ) Hymnus sancti Dionysii.

1. Dionysio Christus dedit Quot bella, tot victorias; Exsul piorum civis est, Urbis supernae particeps.

2. Constantius vatem loco Quondam tyrannus expulit; Non cessit iste turbido, Crevit periculis fides.

3. Hoc sancta dic professio, Te poena tradit prosperis, Optata mercaris malo: Persiste, tortor, adiuvans,

4. Lux haec negando ceditur. 0 quam beata adversitas, Si sic triumphant exsules ! Nihil verendo martyre

5. Confessor iste distitit. Dispersa mors quos afficit, Ad vota mortis evolant; Nil lenta perdit coctio,

6. Intrat latenter abdita. Vitale funus maeror est, Velox medela transitus. Risit furorem principis,

7. Fide manente cursitans Fixus per orbem ducitur, Qua sol coruscat acrior, Negans bibendi copiam.

8. A te, tremende, sumimus, Ceu nostra quae remuneras; Tu mitte sanctum poscere, Quod ipse nobis conferas.