64. (11. ) Hymnus sancti Martini.

1. Cum gesta Martini loquor, Nil laude dignum transeo, Divisa virtus omnibus Unum coacta praetulit.

2. Labore magno martyr est Victore carnis spiritu, Hoc est triumphis proximum, Si bella calcent intima.

3. Perdente vires corpore Res fixa constat laureis, Sublimat hostem mentium, Qui vota membrorum facit.

4. Hic fontis ignem nesciens Calore fervebat Dei. Undis vapore iunctus est, Christo dicatus actibus.

5. Qua veste nudum texerat, Hac rex nitebat aetheris; Sordente panno adquiritur, Quo fulget astrorum globus.

6. Quam iusta commutatio ! Ostrum rependit indigens, Et regna mendicus parat. Mox sacra vitae contigit,

7. De plebe lusit daemonum, Iussit favillis surgere, Vixere tactu funera. Flagella passus est libens,

8. Quibus coronam nexuit. Compulsus ad antistitem Votum repugnans induit, Quod sancta complevit fides.