34. De Nativitate DN.

1 a. ''Psalle jam,
''turba laeta,
cui cantat superna
caterva.

1b. ''Ilex ecce noster Christus
''adest forma
nunc indutus humana
in terra.

2 a. Alma fertur nox Ista
atque sacratissima,

2 b. Aeterno qua lumine
refulsit lux beata.

3 a. Regna quae sanctos
in cuncta saecula
perducit ad coelestia,

3 b. Ut cantent Deo
jugiter dulcia
splendida voce carmina.

4 a. In coelum eum et terra
conlaudant universa

4b. Ab Ipso Deo condita,
quia sunt valde bona.

5 a. Gaudet simul et
laetatur plebs
redempta,

5b. Rex Deus quia
carne tectus
est nostra.

6 a. Dominator
princeps pacis,
qui lux es vera,
clarificans jam omnia,

6 b. Adjuva nos,
ut possimus
psallere digna
tibi Domino cantica

7. Per sempiterna
semper saecula.