22. De Nativitate DN.

la. Christi sacra
serenat nativitas
mundi nubila,

1b. Humana corda
sua praesentia
faciens lacta.

2 a. Hunc nostra

digne resonant cantica,
qui factus caro nostra
prodiit de virginea
potenter vulva.

2 b. Quem cuncta

laudat coeli militia
pariter et humana,
hominibus angelica
pace reddita.

3 a Christum parit puerpera,
qui exstat ante saecula.

3 b. Jacet Inter praesepia
augusta continens regna.

4a. Unde prolata

mitis vox angelica
nuntiat magna
omni plebi gaudia
coelitus luce fusa.

4b. Stant et canora
coelestia agmina,
dant Deo digna
organa ad aetbera
gloria pacifica.

5 a. Jesum nostra
contio sacra
personet laeta,

5 b. Nobisque pax,
Deo gloria
sit per saecula.

6 a. Jam quia

Christi nativitas
est nobis nota,
cujus cunabula
circumdet nostra
moderata fistula.

6 b. Hac nova

promamus cantica
mente deeliva,
laude composita
sacratissima
voce precantes una,

7 a. Clementer ut nos regna
ducat at coelestia

7 b. Et vita perpetua
det frui per saecula.

8. Amen caterva
dic redempta.