149. In Decollatione s. Johannis B.

la. Plebs redempta.
cantica prome celsa
de Johanne baptista
die ista annna.

1b. Qui confecta

temporis prisci meta
factus est in gratia
proles nova sed magna

2a. Ortus plurima
mundo dat gaudia
et stella
ut matutina
solis vera
praeeonabat lumina.

2b. Deserti loca
petit extranea,
humana
respuit acta
angelica
missus ad officia.

:3 a. Planabat vias, itinera
aspera

ad sacra Christi vestigia.
qui semper affectat
placida.

3 b. Agnum Dei tollentem mala
omnia

monstravit adesse in arva.
natum ad aeterna
gaudia.

4 a. Christe. dextra
stans in paterna,
Via. lux. veritas
paxque tuorum
omnia per tempora.
Cantica
sonantia
Johannem da placita.

4b. Cujus digna
pro inemoria
Preces et munera
hac domo sacra
suscipe per saecula.
Sunt quia
ejus plura
supra cuncta merita.

5 a. Incesta connubia
exprobrat
Herodiana
celsus propheta.

ob. Ac in ira baptista
spelaea
carceris intra
servatur arta.

6 a. Hinc coenam regiam puella
agressa
ludibunda
dat vana ludicra,
ac pro ipsa
obtruncatur baptista

6 b. Factus ita hostia digna.
corona
tunc delata.
de Christo nuntia
mundo data
detulit ac parata

7 a. Regna

subiit infera
gaudia nuntians
justis supera.

7 b. Turba

sanctorum inclita
fit obtenta nuntia
laetissima.

8 a. Christe, tua gratia
Et piis precibus almi
Johannis martyris
Relaxans peccamina
Laudum pia
suscipe munera.

8 b. Colentibus haec festo
Regna concede beata
sanctorum in gloria
Et sancta tabernacula,
Prece serva
Johannis absida.

9 a. Jam sancte baptista
Deum ora
quo vota nostra sint digna,

9 b. Qui matris ex vulva
Christum intra
virginis nosti viscera.

10 a. Nativitas tua
est multa
mundo laetitia

10 b. Mors tua beata
sit vita
justorum lucida.

11. Tu sancte, nobis sis lucerna

11b. Ardens et lucens ad aeterna

12. Capienda praemia.