Scholium.

Circa duodecimam, de eo quod quid est, vide Doctorem 7. Metaph. quaest. 7. et 2. dist. quaest. O. ad 3. et quomodo formae sunt sicut numeri, vide eum ibi quaest. 7. et 10. De conclus. 13. de simplicitate accidentis vide eum 8. Metaph. quaest. 1. et de 14. quod unum per se fit ex materia et forma, vide 8. Metaph. quaest. 4. et 2. dist. 12. quaest. 1. num. 12. etTheoremate praeced. Conclus. 15. habes de primo princ. cap. 2. concl. 7. et est evidens ; 16. etiam patet, quia materia non est activa : et idem est de quantitate et relatione, quod intellige quoad actiones similium genera tivas, quia efficiunt partialiter actiones intentionales, saltem materia et quantitas, de quo Doct. 9. Metaph. quaest. 6. et 7. Nota Mauritium aliter numerare has conclusiones quam notantur in margine, una unitate minores.

12. Quod quid est, si est, aliqualiter numerus hoc est.

Quia juxta decimam quartam (Universalem ad indivisibile statur, quia species per additionem variatur, quia aliquo alio ab elementis est unitas, quia non est magis, etc. Non adducuntur istae similitudines de forma, cum non sit sermo de illa, sed de substantia, quae potest dici essentia rei, cum hoc probant omnes similitudines : non enim forma resolvitur in indivisibilia, nec definitur, nec ei aliquid additur, inquantum forma, quia respectu additi fieret materia, nec unitas formae est ab aliquo alio ab ipsa, sicut unitas numeri est ab aliquo alio praeter unitates. Nec valet, forma non recipit magis secundum speciem, id est, secundum formam.

13. Accidentia sunt purae formae, non habentia materiam ex qua sunt, sed tantum in qua.

Octavo Metaph. c. 3. Contra : accidentia conveniunt realiter et differunt, non eodem ; igitur ita definiuntur, sicut substantiae ; igitur ita composita. Contra : nec ita diversas operationes habent, nec transmutatio possibilis per specificam, manente alia, alioquin proximum subjectum motus esset actu per formam generis.

14. Non est dubitatio quare ex materia, et forma fit unum, nec propter aliud nisi propter efficiens.

8. 4. Hic est quaestio bona mota inferius in 19. quae enim differentia est accidentis non informantis subjectum, sed in existente subjecto, et accidentis informantis subjectum? et formae substantialis inexistentis materiae non informantis et informantis ipsam? cum in secundo membro et quarto sit potentia et actus actuans, in tertio et primo, actus non actuans.

15. Quaecumque carent materia, carent et forma, ac ideo se totis sunt una.

8. 4. c.

16. Per formam est compositum potens ad agendum, non tamen per omnem quantitatem relationi, etc. non igitur ad recipiendum.

Contra secundam : quia forma prior est propria ratio receptivi respectu posteriorum, sumitur forma specifica respectu propriae passionis. Require sup. E. F. in commento 2.

17. Cujuslibet actus primi est aliquis actus secundus proprius, aut talis forma videretur otiosa.

Haec videtur falsa propter instantias in 15. positas propter probationem. Nota quod aliae actiones ab immanentibus, non sunt propter se, sed propter terminos; si igitur illi aliunde habeantur, sicut si per tales formas haberentur, nihil est otiosum.