61. In Resurrectione DN.

1. Dic nobis, quibus
e terris nova

2 a. Cuncto mundo
nuntians gaudia

2b. Nostram rursus
visitas patriam?

3 a. Respondens placido vultu
dulci voce
dixit: Alleluja,

3 b. Angelus mihi de Christo
intimavit
pia miracula.

4 a. Resurrexisse

dominum siderum
cecinit voce laudanda.

4b. Mox ergo pennas
volucris vacuas
dirigens laeta per auras

5 a. Redii,

famulis ut dicam,
renovatam
legem veterem
et novam
regnare gratiam.

5 b. Itaque

plaudite, servuli,

voce clara ;

Christus hodie

redemit

nos a morte dira.

6 a. Pater filium
Tradidit, servi
interemerunt
pro salute nostra.

6 b. Sponte subiit
filius mortem,
ut nos redimeret
morte ab aeterna.

7 a. Jam nunc requiem capere
licet omnibus
et vita
frui perpetua.

7 b. Nunc recolite pariter
mecum, famuli,
celebri
laude sanctum Pascha.

8. Christus est pax nostra.