78. Feria II Pentecostes.

la. Resonat
sacrata
jam turma
diva symphonia,

1b. Repleta
gaudia
promissa
e coelo reddita.

2 a. In unum congregata
apostolorum phalanx
praeclara
exspectans munera.

2 b. Repente vox diviua
Paraclitum nuntiat
decorans
sanctorum viscera.

3 a. Fantur omni lingua
nonnulla mysteria
Deique magnalia.

3 b. Cantica divina
non cessat reboare
ejus quoque caterva.

4a. O Deus, omnis arva
te laudat, sol et luna,
concrepat usia
cuncta coelica
et profunda flumina.

4 b. Te psallat tellus alma,
sidera tua clara,
jubilat, adorat,
amat redempta
omnis quoque anima.

5 a. Stupens Judaea

haec inquit exsecranda:

concio

vino ista

est repleta

mustique crapula;

baccbo plenos deputat

repletos gratia.

5 b. Surgens haec Petrus
divina clementia
superat
obdurata
corda illa
et fore affirmat
vaticinia de hoc
Joelis praedicta.

6 a. Ovans agmina nunc nostra
boat carmina devota
quo suscipiat
coelestia
habitacla

7 b. Pangat omnis chorda nostra
sancta praeconia tua
ut semper pia
percipiat
charismata.

8 a. Omnem hanc meram
suscipe melodiam,
ut queamus scandere
lucifiua et tua
celsa ac decora
uranica.

8 b. Dudum sacrata
invenisti pectora,
nunc nos reple lumine,
polorum ut gaudia
cedas perpetua
atque regna.

9 a. Te decet laus perpetua
et gloria siderea
sit diuturna.

9b. Tu animas et corpora
nostra, Christe, possideas
in sempiterna

10. Gloria.