700 Acta Apostolicae Sedis - Commentarium Officiale

ACTA CONGREGATIONUM

CONGREGATIO DE CAUSIS SANCTORUM

VINDOBONENSIS

Beatificationis et Canonizationis Serví Dei Villelmi Janauschek Sacerdotis professi e Congregatione Sanctissimi Redemptoris (1859-1926)

DECRETUM SUPER VIRTUTIBUS

« Domine, non est exaltatum cor meum neque elati sunt oculi mei neque

ambulavi in magnis neque in mirabilibus super me » ( Ps 131, 1).

Professio humilitatis antiqui psalmistae Israelis vitae Servi Dei Villelmi

Janauschek summopere personat, cuius iter spirituale simplex fuit et in

parvis cotidianae conversationis absconditus atque Christo ac Beatae Mariae

Virginis funditus innixus. Servus Dei igitur neque opera perfecit insignia

neque se paenitentiis subiecit singularibus, sed constantem renovationem

interiorem secundum Christi mandata per orationem, caritatem fraternam

et apostolicam praedicationem intuitus est.

Servus Dei anno 1859 Vindobonae natus est, octavus e filiis familiae

christiana pietate et morum doctrina penitus informatae: nam, fratres duo

eius presbyteri facti et sorores tres vocationem ad vitam religiosam asse-

cutae sunt. Partem etiam magnam in prima eiusdem institutione familia

habuit et iam inde a prima aetate mores puerulus ostendit simul hilares

urbanosque ac benignos una et mirum studii ardorem et spiritum pietatis.

Inter annos 1868 et 1872 sacramentum Confirmationis et Primam Com-

munionem recepit.

Cursum studiorum complevit sub tempestate humani cultus signis libe-

ralium doctrinis earundemque acerbis in Christi fidem saevitiis admodum

laborata, quae tamen in animum Servi Dei numquam irrepere valuerunt.

Vocationis ad vitam religiosam dein perceptis primordiis, Congregationem

Sanctissimi Redemptoris ingressus est, apud quam in formationis decur-

su exemplaribus moribus perfectionisque inquisitione summopere emicuit,