Congregatio de Causis Sanctorum 703

VENETIARUM

Beatificationis et Canonizationis Ven. Serví Dei Aloisii Caburlotto Sacerdotis Dioe-

cesani Fundatoris Instituti Filiarum a S. Ioseph (1817-1897)

DECRETUM SUPER MIRACULO

Venerabilis Servus Dei Aloisius Caburlotto die 17 mensis Iunii anno

1817 Venetiarum in Italia natus est. Die 24 mensis Septembris anno 1842

presbyteratu auctus est. Paroeciae Sancti Iacobi de Orio adiutoris mune-

re fungens destinatus, per enixam operam suam populi sive sociales sive

morales comperit angustias puerosque et adulescentes derelictos partem

sollicitudinis suae censuit egentissimam. Parochus eiusdem paroeciae nun-

cupatus, paucis post mensibus scholam popularem pro puellis abiectissimis

fundavit, cuius opus anno 1850 iniit duabus sedulis adiuvantibus catechistis,

quae primitiae fuerunt Congregationis Sororum Filiarum a Sancto Ioseph.

Pastoralem curam paroeciae perseverans, incipientis familiae religiosae pro-

secutus est perassidue incrementum et novas Venetiis adaperuit domus,

ut hospitium puellarum pauperum foveret et institutionem. In adiunctis

Ecclesiae adversis quae maxime post annum 1861 unitate Italiae renuntiata

invaluerunt, Dominus Caburlotto de probata auctoritate etiam apud mentem

educativam institutionum publicarum exercita optime promeruit. Anno 1881

alia duo Instituta eidem commissa sunt ad exstinctionem fere redacta, quae

ipse reficere et in spectata instrumenta formationis reformare valuit. Die

9 mensis Iulii anno 1987, adstante Patriarcha Iosepho Sarto, qui postea

Summus Pontifex Pii X sumpto nomine factus est, pie in Domino quievit.

Summus Pontifex Ioannes Paulus II anno 1994 eum virtutes theologales,

cardinales iisque adnexas in modum heroum coluisse decrevit.

Beatificationis respectu, Causae Postulatio iudicio huius Congregatio-

nis de Causis Sanctorum assertam subiecit miram Venerabilis Servi Dei

intercessioni tributam mulieris cuiusdam sanationem, quae anno 2008 in

Alma Urbe occurrit. Inde ab anno 1993 infirma, quae annis decurrentibus

varias iam chirurgicas haud parvae gravitatis sectiones subierat, morbi cutis

ferre visa est signa seu maculas violaceas super vultu et manibus, quae,

etiam suppeditatis remediis, nullomodo vero imminuerunt, et, insequenti

anno, his indiciis musculorum quoque virium depressio et gravis defectus