704 Acta Apostolicae Sedis - Commentarium Officiale

deambulationis accesserunt. In valetudinario, quo recepta est, peculiaribus

curis constitutis medici ei dermatomiositidis seu cutis musculorum morbi

dixerunt sententiam, qui autem stativus aliquamdiu perstitit. Anno 1999,

indicia tamen aegrotationis in peius ruerunt et elementa nova sicuti dolores

abdominis, nausea, virium privatio et amissio ponderis deinceps emicue-

runt. Quae omnia tandem adeo vehementescere in dies ceperunt, ut pluries

infirmam in valetudinarium frustra recipi oporteret ac denique prognosis

omnino infausta quoad vitam et valetudinem a medicis diceretur.

Aegrota autem minime animo demisit et, cum devotissima esset Ser-

vi Dei, quem per Sorores Filias a Santo Ioseph cognoverat, ad divinum

confugere statuit auxilium per eiusdem intercessionem, iisdem Sororibus

comitantibus, quas illatenus iugi attingere necessitudine perrexit. Et reap-

se prima luce diei 12 mensis Februarii anno 2008 infirma inopinato lecto

desiluit, super quem diuturna insanitate defigebatur, et nullo adiuvante

baculo pedes adducere incepit, ad sanctam Missam adiit et intra paucos

dies omnes naturales actus deambulationis resumpsit et omnino valetudine

convaluit. Iam sanata se Servum Dei in somniis vidisse professa est com-

monentem: « Age, incede! ». Omnes etiam insequentes recognitiones eam

omnino refectam confirmaverunt.

Continuatio temporis clarissime patuit, sicut et nexus inter invocationem

Venerabilis Servi Dei et aegrotae sanationem, quae exinde optima gaudet

valetudine normalesque vitae consuetudines gerit.

De hac mira habita sanatione apud Tribunal Vicariatus Urbis a die 22

mensis Decembris anno 2009 ad diem 19 mensis Octobris anno 2010 Inquisi-

tio dioecesana celebrata est, cuius auctoritas et vis iuridica a Congregatione

de Causis Sanctorum Decreto diei 16 mensis Februarii anno 2012 probatae

sunt. Acta dein collecta examini et iudicio Dicasterii Medicorum Collegium

subiecta sunt, quod in Sessione diei 17 mensis Maii anno 2013 sanationem

rapidam, completam et duraturam, necnon inexplicabilem secundum ho-

diernam scientiam medicam fuisse affirmavit. Die 28 mensis Ianuarii anno

2014, Congressus Peculiaris Consultorum Theologorum prospero cum exitu

factus est ac, sequenti die 6 mensis Maii eiusdem anni, Sessio Ordinaria

Patrum Cardinalium et Episcoporum, cui egomet ipse Angelus Cardinalis

Amato praefui. Et in utroque coetu sive Consultorum sive Cardinalium et

Episcoporum, posito dubio an de miraculo divinitus patrato constaret, res-

ponsum affirmativum prolatum est.