Congregatio de Causis Sanctorum 707

Primis votis anno 1894 emissis, inferiorem classem incepit, una cum

studia humanitatis, philosophiae et theologiae, dum in illa incumbit, etiam

christianae doctrinae institutionem operariorum curavit et iuxta collegia

Societatis Valentiae et deinde Barcinone docuit. Anno 1907 Dertosae sacro

ordine consecratus est.

Eius ultima sedes fuit Barcinonense Collegium Sacri Cordis, in quo reli-

quam partem vitae degit. Pervenit in oppidum caput Cataloniae paulos dies

ante hebdomadis tragicae facta, quae a die 26 ad diem 30 mensis Iunii anno

1909 fere totam civitatem quassaverunt et multa hostilia contra Ecclesiam

instruxerunt. Illis rebus adversis, Servus Dei novem per annos ministerium

magistri in praeparationis classe sustinuit, hoc autem institutionem eius et

insequentem apostolatum auxit et confirmavit. Tantum festivis diebus vel

scholarum feriis in praedicationem, adultorum christianam institutionem et

ad infirmorum visitationem in valetudinariis se tradere potuit. Anno 1918,

ille Praefectus Congregationis Marianae Adnunciationis, multis iuvenibus

constituta, nominatus est, hoc illi maximi momenti evadit.

Servus Dei voluit omnino se tradere ad christianam institutionem et spi-

ritualem moderationem iuvenum et adultorum, ad ministerium confessionis

et ad auxilium in pauperos et in aegrotos. Incepit ergo exercitia spiritualia

constituere, moderare et componere multis in religiosis domibus necnon

praedicationi tradere. Magno cum fervore quotannis ab anno 1922 ad an-

num 1930, peregrinos Lapurdum comitatus est et eius extrema peregrinatio

quinque menses ante obitum constitit.

Mense Decembris anno 1926 Romam venit et a Summo Pontifice Pio

XI colloquio admissus est. Insequenti anno, Monachium ivit, ubi oppidi

valetudinaria visitavit, deinde Augustae Taurinorum fuit et frequentavit

Parvam Domum Providentiae, quae a Sancto Iosepho Benedicto Cottolengo

fundata est, et sepulcrum Beati Iosephi Cafasso, confessoris Sancti Ioannis

Bosco, visitavit, sic magnum desiderium suum perficiens. Cura et amore in

aegrotos, quae illa in opera ministrabantur, tam commovebatur ut et ille

Hibericis in finibus operam similem incohare vellet.

Servi Dei spiritualis descriptio ex ipsis suis notis excerpere datur quum

ille ait « Mihi universum mundum constat in amando Deum et pauperes

pro Dei amore. Sed per amorem operum non verborum ». Hoc iudicio, ille

fortiter deditus fuit in res pastorales et in institutionem christianam evul-

gandam. Peccatorum donum convertendi crebrissima eius in orationibus