Congregatio de Causis Sanctorum 711

piendi ei commissi sunt atque oratorium civitatis in honorem Sancti Aloisii

dicatum moderandi, quod tunc tantum primum ceperat initium. Cuius ora-

torii incepto Servus Dei adeo raptus est, ut eiusdem princeps suum faceret

pastorale onus. Eius actuositatis gratia enim oratorium copiam conquisivit

iuvenum, qui per vividum hunc consociationis usum iter fidei reppererunt

atque musicae, recitationis, palaestrae et operis laboris imbui valuerunt

initiis, et haud modicae fuerunt vocationes ad sacerdotium et vitam reli-

giosam, quae hinc e tanto eius molimine afflatum suum traxerunt. Inter

alia Servus Dei « Mensam Centesimariam » instituit, qua nummos puerorum

ad vitandam pecuniae dissipationem colligebat, iisdem tempore dominicae

Nativitatis omnia refundens, fenoribus de eius rebus additis. Post aditum

Italiae in primum totius mundi bellum, permulti iuvenes, quibus ad fron-

tem proelii fuit proficiscendum, per litteras cum Servo Dei communicare

perseraverunt.

In universa sua pastorali navitate profunda ac pacata constantia et

caritate erga Deum et proximum mira emicuit atque Christo et corporis

animaeque populi necessitatibus iugiter adhaesit. Evangelium laeto vultu

ac firma persuasione semper nuntiavit et probissime spiritualitatem eu-

charisticam caritatis officio adiungere valuit. Ad hoc, sicut et propter sol-

licitudinem sua erga requisita communitatis, a multis quasi alter « Ioannes

Bosco Laudensis » habitus et existimatus est. Sanctissimae Trinitatis myste-

rii contemplatio, Beatae Mariae Virginis eiusque virtutum imitatio, oratio

continua iuxta rationem Sancti Ignatii de Loyola, hebdomadalis confessio

et exercitia spiritualia spiritualitatis eius fuerunt cardines. In primis vero

summam benignitatem Servus Dei ostendit, quae cotidie non modo e magnis

inceptis, sed etiam e parvis cotidie manabat.

Post alterum totius mundi bellum, empto solido, oratorium in Sanctua-

rium in honorem Beatae Mariae Virginis Auxiliatricis dicatum convertit.

Tantis apostolicis operibus consumptus, Servus Dei, corona mariali cincto

collo, Laude die 22 mensis Martii anno 1949 pie in Domino quievit. Exuviae

eius ibidem in ecclesia Mariae Sanctissimae Auxiliatricis repositae sunt.

Ob eius sanctitatis famam Causa Beatificationis et Canonizationis apud

Curiam Episcopalem Laudensem inita est per celebrationem Inquisitionis

dioecesanae a die 31 mensis Octobris anno 1996 ad diem 28 mensis Iunii

anno 1997, cuius auctoritas et vis iuridica ab hac Congregatione de Causis

Sanctorum primum die 23 mensis Octobris anno 1998 probatae sunt. Po-