Congregatio de Causis Sanctorum 701

quam severa etiam suipsius disciplina comitata est. Novitiatu expleto, in vicum vulgo Mantern dictum in Styria missus est ad studia theologica com- plenda ibique vota religiosa perpetua professus. Die 29 mensis Augusti anno 1882, presbyteratu auctus est.

Iam navitate pastorali ineunte, diversa exercuit munera, inter quae officia Praefecti alumnorum coadiutoris, linguarum classicarum et germa- nici sermonis necnon novitiorum magistri multos annos exercuit. Superior Provinciae Austriae anno 1901 nominatus, novis domibus fundatis Congre- gationisque Sanctissimi Redemptoris in Dania sublato profectu et annosis compositis conflictis inter religiosos Germaniae et Cecoslovachiae, eandem valde fulsit, licet minime vacaverint dissensiones, quae ei vero haud parum comparaverunt tormenti.

Anno 1907, Superioris Provincialis exacto munere, Rector fuit domorum in locis, qui Hermals et Maria Stiegen vulgo nuncupantur, usque ad annum 1921, cum post vicenariam commorationem Vindobonae Leobinam translatus est.

Pater Villelmus navus quoque praeco fuit missionis secundum spiritum Sancti Alphonsi Mariae de' Liguori, necnon moderator spiritualis eximius et christifidelibus confessarius probatissimus; multis aliis, insuper, formationis ac pastoralis interfuit inceptis, sicut exercitiis spiritualibus, peregrinationi- bus ad loca sancta et oneri catechesis pueris tradendae.

Servus Dei religiosus dein fuit exemplar, animarum curae sollicitus atque assiduae vitae orationis et fervido amore erga Deum et proximum funditus permotus. Exercitium cotidianum virtutum firmissimus vitae eius fuit cardo. Praesentiam Domini Iesu coram communitate et in actuositate pastorali constanter testatus est et indefessus exstitit educator humanita- tis spiritusque et fautor, qui benignitate ac prudentia sua omnes semper excepit. Firmitate conscientiae assiduaque perseverantia vitae consecra- tae vere vixit capita, quae, divina Providentia perquam confisus, usque ad oblativae caritatis summam persecutus est. Per diutinam praesertim ac dolendam infirmitatem, qua ultimis annis vexatus est, in mysterio Crucis penitus correpsit, illud « hoc sentite in vobis, quod et in Christo Iesu » vere in seipso adsimulans.

Anno 1924, Rectoris domus Leobinae expleto mandatu, Servus Dei Vin- dobonam revocatus est et Superioris Provinciae nominatus consultor atque Ministri domus officio etiam functus est, quod adusque diem 30 mensis Iunii anno 1926 exercuit, cum tumore correptus intra moenia Vindobonensis va- letudinarii occubuit. Fama exinde sanctitatis ac mira populi pietas iugiter