110. Ad sanctum Franciscum oratio.

1. Ave, felix tu Francisce,
Viam Dei nobis disce,
Tu es lux religionis,
Speculum in cunctis bonis.

2. Salve, decus devotorum
Hominum et monachorum.
Te rex caeli honoravit,
Omni dono adomavit.

3. Gaude, micans caeli stella,
Hostis serva a procella
In hac vita te colentes,
Malis purga nostras mentes.

4. Vale, splendor sanctitatis,
Posce, pater pietatis,
Sanctam vitam hic sectari
Et cum Deo gloriari.

O creator, preces audi
Et per eum nos exaudi.

III. De sancto Thomo de Aquino.

1. Ave, Thoma de Aquino,
Placens semper uni trino,
Te replevit caeli vino,
Vultu fruens nunc divino.

2. Salve, doctor gloriose,
Lucem spargens uberose,
Semper vivens virtuose,
Te da sequi gratiose.

3. Gaude, lampas doctrinarum,
Pelle nubes tenebrarum,
Fundens imbres gratiarum
Ad salutem animarum.

4. Vale, clara lux caelorum,
Pulchra stella electorum,
Sis director viatorum
Gaudia ad beatorum.