IOHANNIS FRANCONIS

Scholastici Meschedensis
Carmina duo.

Carmen Magistrale.

De beata Maria V.
I.

1. Illius assit gratia,

Qui stricta cinctus fascia
Caelorum ambit spatia

Et manet ante solem
Et moritur pro gregibus
Et dat salutem regibus,
Ut suis subdat legibus

Totius orbis molem.
2. Fideles tradunt apices,
Latoris legis codices,
Mysteriorum indices

Sub forma typicorum
Ad struem tabernaculi,
Caelestis habitaculi,
Sacrorum retinaculi,

Quod quivis Hebraeorum
3. Res absque simultatibus
De suis facultatibus
Sinceris eum conatibus

Pro viribus dederunt,
Magnates cum potentibus,
Qui praefuerunt gentibus,
Non sine puris mentibus

Laetanter obtulerunt.

4. Aurum quidem ad aurea,
Argentum ad argentea,
Aes ad ornandum aerea,

Ut novit architectus ;
Thesauris istis varii
Vigoris, multifarii
Coloris tingentarii

Est lapidum adiectus.

5. Nunc donant inter alia
Ligna Setim nobilia,
Sed haec imputribilia

Fuisse memorantur;
Postremo dant purpurea,
Cum cocco byssum, linea,
Quae nunquam edit tinea;

Sed ista applicantur
6. Cohortibus leviticis
Pro vestibus pontificis,
Quae noverat artificis

Industria polir;
Egeni dabant denique
Cum pilis pelles utique,
Cum quibus opus undique

Debebat operiri.

7. Oblatis his gemmarius
Beseleel, aurarius,
Fidelis commissarius

Prae omnibus electus,
Prudens vermicularius,
Perfectus operarius,
Doctus anaglipharius
Est opibus praefectus.

8. Subtili cum lignario,
Ooliab, plumario,
Bono polimitario,

Viro sciente plura,
Quae fieri ab arbore
Valebant et ex marmore,
Lapidibus et ebore

In omni celatura.

9. Cuiusvis rei schemata
Hi norant et aromata,
Ex quibus thymiamata

Suavissimi odoris
Conficienda fuerant,
Has artes ut docuerant
Et artius invenerant

Instinctus creatoris.
10. Ornatus habitaculi
Cum arca tabernaculi
Sollertes hi vernaculi

Candelabrum et aram
Cum Cherubim velamina
Et vasis ad libamina
Ex auri formant lamina,

Pontificis tiaram,

11. Lucernas emunctoria,
Quae nnlla fuscat scoria,
Cum basibus tentoria

De purpura, iacinctho,
Cum ephot vestes vario
Ex opere plumario
Ritu polymitario

Bis cocco quoque tincto.
12. Ast alii durissimo
Saxoque de firmissimo
Mel lapidum purissimo

Cum oleo suxerunt.
De istis quid plus referam,
Vel ad quid plura proferam,
Cum nil egissent perperam

In his, quae construxerunt.

13. Sed ego, cum sim luteus,
Et sensus mihi bruteus,
Sit altus quoque puteus

Nec vas ad hauriendum,
Pro facultate pennula,
Hinc voce peto tremula,
Ut lingua parcat aemula

Prompto ad corrigendum.

14. Thesaurus heu scientiae,
Argentum eloquentiae
Et aurum sapientiae

In cordis mei sporta
Deficiunt, habilitas
Lignorum et nobilitas
Gemmarum et stabilitas

Aeris, byssus retorta,

15. Eburque castimoniae,
Beryllus parsimoniae
Et marmor sanctimoniae,
Cum iaspide iacincthus
Ac purpur aptitudinis
Et lima rectitudinis
Linumque valetudinis,
Bis coccus quoque tinctus.
16. Rex ergo celsi numinis,
Dignare, pater luminis,
Torrente sacri fluminis

Me sic laetificare,

Si oleum cum mellibus

Non sugam de saxellibus,

De pilis et de pellibus

Queam eructuare:

II.

1. Mariae laudes et honorem,
Virtutem simul et decorem
Virginitatisque pudorem

Et mores cum ornatibus
Diversis modis ac discretis
Tam patriarchis quamprophetis
Praetypicatos in secretis

Obscuris aenigmatibus.

2. Excelsi regis mater nata,
Ab intus pulchre deaurata
Et variis praedecorata
Scripturae cum monilibus,

Dignare pennam irrigare
Et stylum mentis colorare
Sic, ut ad struem comportare

Quid queam cum exilibus.
3. Scriptoris linguam, cursum
mentis
Guberna virga dirigentis
Velociterque conscribentis

Illius scribae calamus,
Cui, virgo mater, quam serenum
Hoc praeparasti pergamenum,
In quo depictus est ad plenum

Caelestis sponsi thalamus.

4. Centenis centies millenis,
Millenis milies centenis
Minutae quot sunt in arenis,

Tot etsi fruar Ungulis,
Si linguis loquar angelorum
Arteque canam musicorum
Et mores noscam ethicorum,

Sed etsi fungar singulis

5. His sacris dotibus perfecte,
Nequaquam adhuc quibo recte
Reginae caeli praeelectae

Virtutum laudes pangere.
Si tamen ipsa, spes reorum,
Hoc mihi praestet, quodmeorum
Arx muri ruat vitiorum,

Tentabo tuba clangere.

6. En, qualis exstathaec et quanta,
Est cuius pulchritudo tanta,
Sic a supini pedis planta.

Ad verticem protenditur.
En, haec est virgo praeceden-

tem
Non habens parem nec sequen-
tem
Virtutibus aequipollentem,
Ex scriptis ut perpenditur.

7. Dos casta haec est virgo parens,
Enixa virum viro carens,
Producens germen huius arens,
Haec quoque phoenix unica,
Capillos cuius auri color
Et verticem miratur olor,
In facie, qua mire solor,
Adrident mala punica.

8. Ex intermixto liliali
Rubedine cum roseali
Maxillae sorte nitent tali

Perfuso fronte parcius.
Cincinnos non adulter fucus
Subornat neque tingens sucus,
Subtilis iste cum sit brucus

Pudorem rodens artius.

9. Nasique forma moderata
Est, nec depressa nec elata,
Pigmenta reis de quo grata

Scaturiunt cotidie,
Huic oculi praerutilantes
Sunt et ut stellae radiantes
Ac in virtute coruscantes

Sol tamquam in meridie.

10. Seseque somno nunquam dan-
tes
Palpebrae neque dormitantes,
Sed sunt pro suis vigilantes

Praeclara supercilia.
O quam decenter ornant vul-
tum,
Totius quoque formae cultum,
Oreque labris rubet multum
Haec pulchra Sion filia.

11. In India nec ebur tale
Nutritur, dentibus est quale,
Candoris decus virginale
Illustrans oris medium,
Gutturque lacteo colore
Candescit, collum nivis more,
Stupescitmentum prae decore,
Fit exsul omne taedium.

12. Supernus auctor egit sorte,
Quod aures huius forent portae
Caelorum regis preces forte

Nolentes unquam spernere.
O quam felicem, quam beatum
Hunc dicam fore, cui datum
Est hunc praeclarum et ditatum

Vultum in aevum cernere.

III.

1. Scrutatur ab infantia

Pectus huius merum
Praecepta cum flagrantia

Conditoris rerum,
Et ubera fragrantia

Sunt huic, Deum verum
In iuvene lactantia

Antiquumque dierum.

2. Est venter huius aureus,

Argenteus, beatus,
Est merito eburneus

Et gemmeus vocatus,
Portatur quo aethereus

Caelorum advocatus,
Per quem iacet vipereus

Iam coluber prostratus.

3. Revera celsi solii

Dum nuntius legatur,
Cor huius instar folii

Palmarum elevatur
Et ut repandi lilii

Sic supra dilatatur,
Dum flebant Evae filii,

Ecce ancilla fatur.

4. Virginea decentia

Ad instar plumae cigni
Sunt brachia nitentia

Es aloesque ligni
Odore redolentia,

Divino apta igni,
Amplecti cum frequentia

O si essemus digni !

5. Ingenti pulchritudine

Sunt manus decoratae,
Decenti longitudine

Cum digitis ornatae,
Donandi aptitudine

Quae minime seratae,
Sed dandi promptitudine

Sunt aquilis praelatae.

6. Tornatilis est dextera
Virtutum genitiva,
Est et cum novis vetera

Charismatum dativa,
Est plurimum ad aethera

Suorum vocativa,

Sic est et inter cetera

Reatus ablativa.

7. Ornatu decentissimo

Stant coxae, genu, crura
Sub ordine rectissimo

Cum plantis tali sura,
In statu solidissimo

Ut virgo sistat pura,
Sic placuit altissimo,

Quem metuit natura.

8. Reorque, quod lactifluos

Non dat natura tales
Pedes prorsus mellifluos,

Tu, virgo, gestas quales,
In gratia rorifluos,

Quae nil negare vales,
Nos in delicto profluos

Caelestis alas ales.

9. Altissimi itineris

In gressu servas pedes
Sic, quod ab annis teneris

Hos lapide non laedes,
Memento nostri oneris,

Cum filio dum sedes,
Nos Abrahae ut generis

Fiamus coheredes.

10. Lux omnium pulcherrima,

Praerutilans, honesta,
Te fama celeberrima

Gens praerogat modesta
Et laude cum creberrima

Sic tua narrat gesta,
Quod muta sit acerrima

Vox aspidis funesta.

11. Mirando mirabiliter

Naturaque miratur,
Dum tam ineffabiliter

In cunctis operatur,
Quod omne decus taliter

In virgine locatur,
Quod supersit vel aliter,

Quod desit, ne linquatur.

12. Est enim nimis dapsile,

Quod excedendo motum
Natura sagax agile

Profudit plus quam totum
In corpus venerabile,

Ab illo quippe fotum,
Cuius nomen mirabile

Est in Iudaea notum.

IV.

1. Virgo haec est recens Eva,

Mutans nomen veteris,
Quam decepit aspis saeva

Morsu pomi sceleris,
Haec est sponsa, cuius laeva

Sponsum cingit aetheris,
Haec est arcus, quo longaeva

Signa dantur foederis.

2. Ista Ruth est Moabitis,

Booz placens domina,
Impetrans ne suae vitis

Deleantur nomina,
Placans David Thecuitis,

Haec est prudens femina;
Te figurat, virgo mitis,

Sunamitis gemina.

3. Regis arca haec est illa

Servans in diluvio,
Ne Charybdis nos vel Scylla

Obruat in fluvio,
Haec est Thamar, cui armilla

Arrha fit in bivio,
Sed non tangit hanc scintilla

Carnis neque livio.

4. Gloriosa haec puella

Caput terens zabulo,
Est et Moysi fiscella

Abscondentis sabulo
Aegyptium gerentem bella

Cum Hebraeo famulo,
Haec est tellus stillans mella

Cum caelesti pabulo.

5. Ista scala est, quam videt

Iacob caelos tangere,
Per quam homo non diffidet

Ad superna scandere,
Haecque Iahel non formidet

Hostem clavo frangere,
Solatur haec Rachel, dumstridet

Natos volens plangere.

6. Narrat sese lator legis

Vidisse rubum spineum,
Quando custos erat gregis,

Vomentem rogum igneum,
Sed rubum hunc, si caute legis,

Non sidus nocet flammeum,
Sic natum gignit nata regis

Non laedens vas virgineum.

7. In tribu Levi viridatur
Virga Aaron arida,
Quam pontifex dum contem-
platur,
Nuce floret turgida,
Sic ex radice generatur

Virga Iesse florida,
Virgo per hanc figuratur
Sine viro gravida.

8. Spicas septem unum granum
Mittit in granarium
Per Ioseph, testem non pro-
fanum,
Deus per septenarium,
Sic mittit granum non in vanum

Ventris in sacrarium,
Quod humanum manet sanum
Virginis armarium.

9. Manhu dicit tunc obscena

Plebs vere miserabilis,
Quando nubes quam serena

Nec ad pluendum habilis
Mauna pluit, Deo plena

Virgo venerabilis
Sic prolem parit sine poena

Carne manens stabilis.

10. Audenter dico, quod hic lapis

Est virgo fecundissima,
Israelita, per quam capis

Fluenta potentissima,
Si lingua cordis recte sapis,

Quae mella sapidissima
Producit illa, haec est apis

Sponsa placidissima.

11. Raab haec est nos per plana

Prohibens incedere
Et virtutum per montana

Solarium ascendere,
Gedeonis haec est lana,

Eos in quam scit descendere,
Sic virgo carne sub humana

Scit Deum comprehendere.

12. Ista est columba gnara,
Quae olivam retulit,
Est et haec fidelis Sara,
Quae ancillam expulit,
Haec est Rachel quam prae-
clara,
Quae hunc Iosepb protulit,
Qui, dum grana forent cara,
Israelem transtulit.

13. Est haec virgo non annosa,

Praeclusum habens uterum,
Quam proles beat generosa

Deus et hunc puerum
In Hely sede gloriosa

Locat, sicut veterum
Scripta narrant seriosa,

Ut sit ultor scelerum.

V.

1. Haec est Esther, quam Asuerus
Audit in vestibulo,
Ut equester Aman ferus

Pendat in patibulo,
Haecque Iudith Holoferni
Saevo tamquam tribulo
Caput cudit, sicut cerni
Datur in latibulo.

2. Virtuosa Annae nata,

Abigail quam typicat,
Ut morosa advocata

Per te Nabal replicat,
Haec est pera David, de qua

Tunc lapillum explicat
Et revera mente aequa

Cum Golia dimicat.

3. Michol ista pro monarcha

Privat nos praeputio,
Cytharista coram archa

Saltat sine vitio;
In aerumna ut agonis

Eva est pollutio,
Sic alumna Salomonis

A vae est solutio.

4. Ista classis est, quam struxit

Salomon pacificus
Et cum massis auri duxit

Gnarus maris nauticus,
Quodque par sis stellae maris,

Novit rex Arabicus
Atque Tharsis, quando paris

Hunc, qui est mirificus.

5. Lechitus quidem Sareptenae

Cum farinae vasculo
Ilaec est fidem servans bene

Mater, carens masculo,
Non seratur vas utrumque

Sed stat in propatulo,
Ut poscatur hinc quicunque

Filius cum catulo.

6. Ista humus parens vermis,

Quo Ionae perit hedera,
Iudae dumus fit inermis

Pacis perdens foedera;
Amicta sole, luce plena

Virginem considera.
Quam cum prole duodena

Circum cingunt sidera.

7. Sicut fata Isaiae

Septeno gaudent flamine,
Sic lampas grata Zachariae

Septiformi lumine,
Quae sic orsus est propheta

Quivis suo ordine,
Credo prorsus quod pro feta

Sint narrata virgine.

8. Est in rota vas perfectum

Ieremiae figuli,
Haec devota vas electum,

Quo solamur singuli,
Haec est aedes Samuelis,

Sapientis reguli,
Cuius sedes est in caelis

Facta caput anguli.

9. Tu Hoseae innovato

Novali fers praeconium
Et Michaeae praeparato

Monti testimonium,
In quo fixa domus Dei

Est in patrocinium
Et affixa clavo spei

Gens cunctarum finium.

10. De Ioelis domo recens

Fons rigans egreditur,
Danielis monte decens

Lapisque praeciditur
Manu sine complectentis,

Est ut virgo creditur
Sine fine mater entis

Fit nec carne laeditur.

11. Ezechielis haec est porta

Clausa manens iugiter,
Quam fidelis plebs retorta

Fide tenet firmiter,
Quam ingressus est sincerus

Pontifex suaviter,
Et egressus Deus verus

Est et homo pariter.

12. Vas in igne praeparatum

Est electrum continens,
Hoc insigne vas beatum

Ventris fructum retinens,
Vas dolatum, vas virtutis,

Gratiae vas eminens,
Vas probatum, vas salutis,

Dulce pondus sustinens.

VI.

1. Omnipotens in area

Fasciculum fundavit,
Qui ut potens tartarea

Et claustra devastavit,
Non impotens propterea

Ad regna remeavit,
Sed praepotens aetherea

His testis annos cavit.

2. Tutaminis certissimi

Mons Sion aestimatur,
Examinis artissimi

Dum arbiter legatur,
Salvaminis tutissimi,

Haec virgo reputatur,
Mons flaminis sanctissimi,

Abdias ut testatur.

3. Ut mystice sol oritur,

Quo Christus sol oritur,
Deifice non moritur,

Qui, carne dum moritur,
Pacifice non potitur,

Locusta sed potitur,
Nec bruchi vice metitur,

Quod Nahum sic metitur.

4. Sollemniter te visitat,

Domus, quae cunctis pates,
Perenniter qui militat,

Et tremunt potestates,
Fideliter plebs flagitat
Te, nobilis gagates,
Sic firmiter nec haesitat,
Aggaeus canit vates.

5. In lacu praestas prandium

Per Habacuc translatum,
Quae cibum gestas grandium,

Cor sanas et palatum,
Dum nos potestas fortium

Incusat ob reatum,
Sors una restat sortium,

Fac iudicem placatum.

6. Sordis oblata nescia

Es virgo Malachiae,
Es praeparata hostia

Fidelis Sophoniae,
Per orbis lata spatia

Dant laudes haec Mariae,
Quae fluis grata gratia,

Tu genetrix Messiae.

7. Te viatori ostium

Iob pandit peregrino
Obstans furori hostium,

Ut pax sit inquilino,
Linito more postium

Cruore cum agnino ;
Te trium chori testium

Praesignant in camino.

8. Ardenti certe currulo

Helias, vas virtutis,
Tobias per te baculo

Levatur senectutis,
Virgo, adverte oculo

Delicta iuventutis
Et Christi verte clanculo

Furorem a pollutis.

VII.

1. Camelis potum tribuens

Es hydria fontalis,
Quaerelis proci annuens

Rebecca genialis,
Cor telis quondam acuens

Isaac liberalis,
Sub velis latet imbuens

Quo sensus spiritalis.

2. Ornatam in monilibus

Te Deus concupivit,
Creatam in senilibus

Diebus te praescivit,
Dotatam mille sortibus

Te spiritus ignivit,
Et gratam prae consortibus

Te oleo linivit.

3. Legalis es confugii

Urbs reis deputata,
Vitalis spes refugii,

Fidelis advocata,
Letalis fac ne vitii

Res fiat iudicata,
Finalis dum supplicii

Sententia sit lata.

4. Languenti tu probatica

Es utique piscina,
Pergenti non erratica

Es stella matutina,
Prudenti dona mystica

Tu Saba fers regina,
Trahenti tu mirifica

Es attrahens cortina.

VIII.

1. Es paradisus Domini

Locusque voluptatis,
Es lux creata homini

Fulgore caritatis,
Es sol desistens nemini

Nitore pietatis,
Es luna nostro semini

Dans robur castitatis.

2. Gementibus et flentibus

Es annus iubilaeus,
Gemens sub sordis sentibus

Per te resurgit reus,
Gulosus per te eminus

Fugatur lebusaeus,
Gibbosus fide geminus

Te fugit Manichaeus.

3. In caelis tu prae omnibus

Es honor trinitatis,
In terra pax hominibus

Es bonae voluntatis,
In poenis se purgantibus

Solamen lenitatis,
In mari naufragantibus

Portus tranquillitatis.

4. Tu inter spinas lilium

Scis filias ornare,
Tu vagam patri filium

Scis reconciliare,
Tu mentibus humilium

Quietem scis parare,
Tu genua debilium

Scis, virgo, roborare.

IX.

1. Eterni verbi, entis summi,
De te stillantis more gummi
Es mater et numisma nummi,

Qui pneumate concuditur,
Matrona fortis tu es illa,
Quam praearmavit haec armilla,
Iob praenotante qua maxilla
Leviathan pertruditur.

2. Tu mulier es, per quam Evae
Funestus anguis, pectus leve
Livore blando fraudans saeve,

Insidians conteritur,
Tu fovens David Sunamitis,
Tu placans regem Tecuitis,
Tu botrum gignens feta vitis,

Quae in phalanga geritur.

3. En, superborum subdis colla,
Tu spei nostrae lebes, olla,
Tu panem nobis das sogolla,

Tuque farina nitida,
Es olus, per quam dulcoratur,
Dum mors in olla dominatur,
Qua ad vescendum praeparatur
Letalis colloquitida.

4. Amica sponsi, fida tutrix,
Tu nata nati, patris nutrix,
In opportuno tu adiutrix,

Tu salus in periculo;
Regalis virgo, virga Iesse,
Virtutes de qua sunt egressae,
Tu laborantum falx in messe,

Spes mortis in articulo.

5. Divinae praedae tu es cassis,
Salutis nostrae firma tassis,
Tu quies in labore lassis,

Tu fixus polus arcticus,
Dipondium tu es et assis,
Tu Salomonis illa classis,
Ex Ophir auri quam cum massis

Advexit gnarus nauticus.

6. Oliva pacis unctuosa,
Tu laurus es victoriosa,
Tu storax pinguis, resinosa,

Tu mastix aromatica,
Tu redolens es cinnamomum,
Suavis odoris tu amomum,
Tu pomus vitae gestans pomum,

Tu nardus quoque celtica.

7. Miranda turtur carens felle,
Tu apis es abundans melle,
Tu sutrix Deum tegens pelle,

Humanae carnis tunica ;
Tu matutina lucens stella,
Vinaria tu regis cella,
Bituminata tu fiscella,

Tu casta Phoenix unica.

8. In Domo David cedri tignum,
Tu nationis nostrae signum,
Fructiferum tu vitae lignum

Non defluens in folio,
Conclusus hortus, fons signatus,
Tu ager Gazae irrigatus,
Divinitatis sato satus,
Tu messis carens lolio.

9. Nam te gustanti tu es suavis,
Tu caeli, terrae vera clavis,
In turbulento mari navis,
Tu prora, puppis, ancora,

Rostrata ratis tu triremis,
Tu trieris et quadriremis,
Tu scafa velox es biremis,
Strumosa sulcans aequora.

10. Ortorum fons tu vere gratus
Ad irrigandum hortos datus,
Tu puteus aquarum latus

Cum impetu fluentium,
In Libano tu exaltata
Es cedruas, tu cupressus lata,
Tu platanusque dilatata

Es in plateis gentium.

11. In machina confessionis
Pro filia contritionis
Expugnans arcem Babilonis

Tu fidei fundibula,
Tu thorax facta manu Dei,
Lorica firma tu es spei,
Triumphant in qua Maccabaei,

Tu Ionathaeque fibula.

12. Orthodoxorum civitatis
Tu murus es securitatis,
Seratus clave veritatis,

Tu turris fortitudinis,
Tu templum es virginitatis,
Tu solium divinitatis,
Triclinium tu trinitatis,

Tu domus sanctitudinis.

13. Humanae spei tu vexillum,
Defendens magnum et pusillum,
Inermem, orbum et pupillum,

Tu clippeus et galea,
Tu firma praedux es cohortis,
Tu propugnatrix vere fortis,
Tu es in ludo nostrae sortis

Scacabulum et alea.

14. Augusti solis tu quadriga,
Tu dupli cursus lunae biga,
Tu rota, currus et auriga,

Tu orbita iustitiae,
Nauclera, barca, tu carina,
Phaselus, carbasus aquina,
Tu remus, remex tendens lina,
Tu portus es laetitiae.

15. Nascentis Christi clemens illa
Es virgo mater et ancilla,
Quam prodit decuplex Sibylla

Sollemni vaticinio,
Te quamvis de Iudaea gente
Plebs stulta neget caeca mente,
Nugaces defraudantur lente

Fallaci patrocinio.

16. Naturae carnis prolem parens,
Carnali gustu prorsus carens,
Tu gignis florem radix arens,

Ut sentit vir theologus,
Praeclara virgo tu es, Iesum
Quae nutris, huic praebens esum,
Testamen cui dat illaesum

Albumasar astrologus.

17. Impleta Deo tu lagena,
Tu hydria farinae plena
Et miserorum tu crumena

Serata cum sollertia,
Nociva stringens tu catena,
Rhinocerontis tu habena,
Leonem praegnans tu leaena

Surgentem die tertia.

18. Pulchra tu tota es amica,
Decora, suavis et pudica,
In te nec ulla rugae plica

Vel fomitis est macula,
In Iericho tu florens rosa,
Oliva campi speciosa,
Tu fusca, nigra, sed formosa

Ut Cedar tabernacula.

19. Accingens Deum tu es hamus,
Constringens hostem tu es chamus,
Olivae pacis florens ramus,

Astringens pacis foedera,
Illaesus ardens tu es dumus,
Quem pneumatis obumbrat fumus,
Producens vermem tu es humus,

Quo Ionae perit hedera.

20. Pudicis trinum stringens loris,
Tu laqueus es venatoris,
Tu rete summi piscatoris,
Tu altus Iacob puteus,

Origo fontis tu es divi,
Fons vitae salientis rivi,
Tu sacer fornax panis vivi,

Quo vivit homo luteus.
21. Es sol de sole gignens solem,
Tu prolem prolis parens prolem,
Qui caeli molis terrae molem

Cum mole gestat aequoris,
Tu cassis es captivans Deum,
Cassilidis producens eum,
Qui extricavit Asmodaeum

Assati parte iecoris.

X.

1. Xristianismi nobiles

Ad cenam scis vocare,
Tu pauperes et debiles

Facis adpropinquare,
Tu caecos, claudos, fragiles

Compellis subintrare,
Tu parvulos et humiles

De cena das gustare.

2. Xristicolis tu sapere

Das veritatis fontem,
Tu sinu nosti capere

Saevum rhinocerontem,
Tu iustis das evadere

Obscurum Phlegetontem,
Tu ne nos sinas cadere

In mortis Acherontem.

3. Iustis tu ex parentibus

Es virgo procreata,
Tu annis a recentibus

Divinis mancipata,
Tu animis ferventibus

Praecepta comitata,
Tu ulnis cum trementibus

Portantem amplexata.

4. Ingenuo tu germine

Prodis patriarchali,
Tu alto nata sanguine

Radice de regali,
Tu claro scandis semine

Plebe [de] prophetali,
Tu sacro surgis ordine

Stirpe sacerdotali.

5. Medicinalis camphora,

Tu salutaris litus,
Tu es farinae amphora,

Tu olei lecytus,
Tu mystica metaphora

Loquendi ornans ritus,
Tu repetens anaphora,

Qua sermo fit politus.

6. Imber tu es clementiae,

Quo recreatur reus,
Tu vas, in quod prudentiae

Sal mittit Elisaeus,
Tu templum, quod in facie

Adorat Maccabaeus,
Tu funda, qua in acie

Succumbit Philistaeus.

7. Sanando Mara fluvium

Tu vertis in dulcorem,
Tu iter planas invium,

Reflexum et rigorem,
Tu agnum quondam devium

Reducis ad pastorem,
Tu miserendo praemium

Das lassis post laborem.
8. Ierusalem tu filia

Mitissima petenti,
Tu places inter lilia

Filiolas pascenti,
Tu bona super milia

Tam auri quam argenti,
Turbato das auxilia

Devote te poscenti.

9. Tu terra es salvifica,

Quam Deus benedixit,
Tu stella lacobitica,

Quam Balaam praedixit,
Tu clavis es Davidica,

Quae caelo nos affixit,
Tu es serpentis pertica,

Percussus qua revixit.

10. Tu, cuius nomen nobile

Est oleum effusum,
Tu ostium praenobile,

Castissime praeclusum,
Tu pessulum immobile

Ad sponsi patens usum,
Tu manus quoque mobile

Es apprehendens fusum.

11. Tu, virgo, terra rubea

Es, homo qua plasmatur,
Tu vectis es in vinea,

Qua botrus baiulatur,
Tu, virgo, lex es ignea

Qua Deus praeamatur,
Tu caritas nec carnea,

Qua proximus gravatur.

12. Tu lignum esse diceris

In centro paradisi,
Tu fluvii fons crederis

In quattuor divisi,
Tu vitis esse nosceris,

Qua simus non praecisi,
Tu palmesque dignosceris,

Qua cuncti sunt gavisi.

13. Tu rete, quod non rumpitur

In piscium captura,
Tu vestis, quae non scinditur,

Sed sortis capit iura,
Tu serra, quae non frangitur

Per tractus de clausura,
Tu virgo es, ut creditur,

Post partum manens pura.

14. Tu arca es aetherea
Aeterni testamenti,
Tu urna quoque aurea,
Qua panes sunt retenti,

Tu tabula lapidea

Dans decem iussa genti,
Tu servo das praeterea

Mnam decem mnas habenti.

15. Tu, virgo, virga fumea

Aromate pigmenti,
Tu virga quoque lignea

Valens progredienti,
Tu, virgo, virga ferrea

Es inoboedienti,
Tu, virgo, virga aurea

Solamen dans dolenti.

16. Tu aqua de cisternula,

A David concupita,
Tu lucens dies, vernula,

Tu verax Iacobita,
Tu es in nostra terrula

Vox turturis audita,
Tu humilis puellula,

A Deo recensita.

17. Tu trinitatis cellula,

Tu simplici unita,
Tu fida prudens famula,

Tu civitas munita,
Tu bonitatis formula,

Virtutibus polita,
Tu sine dolo normula,

Tu verax via, vita.

18. Tu flos, tu veris primula,

Tu ornans plebiscita,
Tu castitatis infula,

Fidelis Samarita,
Tu semivivi baiula,

Quem praeterit levita,
Tu transvehis ad stabula

Quem transit Aarorita.

19. Tu aurea murenula,

Argento redimita,
Tu es cedrina tabula,

Qua domus est vestita,
Tu nobilis candidula

Praefulgens margarita,
Tu secretorum schedula,

Tu archicoenobita.

20. Tu consolatrix sedula,

Tu sors es diffinita,
Tu lucens lux per saecula,

Umbra legis finita,
Tu dulce canens fistula,

Qua salus est recita,
Tu ubertatis cistula,

Qua famis est sopita.

21. Tu sponso praebes oscula

Quam pulchre insignita,
Tu deitatis cartula

Sigillo communita,
Tu omni carens macula,

Tu salus praefinita,
Tu omnis boni clausula,

Tu merces infinita.

XI.

1. Testetur quid phantasticus,
Seu latret mathematicus,
Kalendae, Nonae, Idus
Quod prosperum quid im-
primant
Vel asperum quid reprimant
Tu sortis nostrae sidus.

2. Tu ylech nostri staminis,
Alkokoden spiraminis,
Pbirdaria annorum,
Tu Achazir nascentium
Almutez tu praesentium,
Tu typus futurorum.

3. Tu patris contubernium,
Tu nati lectisternium,

Tu pneumatis cubile,
Tu gregi pandis stabulum
Erranti et das pabulum,

Reducis ad ovile.

4. Tu principis es filia,
In calceis nobilia

Quam ornant paramenta,
Et centum mille milium
Cum speculis monilium
Decorant ornamenta.

5. Tu vatum es oraculum,
Tu fidei signaculum.

Quo Deus subarrhatur,
Tu sidus sanctimoniae,
Tu nidus castimoniae,

Quo Christus collocatur.

6. Tu turris propugnaculis,
Tam clippeis quam iaculis
Munita cum millenis

Ac armatura fortium,
Insultibus cohortium

Resistens alienis.
7. Tu illum capis grabato,
Qui hominem in sabbato

In toto, non in parte
Salvificat, in anima
Confortans pusillanima

Divinitatis arte.
8. Tu caecis es collirium,
Tu castis dextrochirium,

Tu rutilans beryllus,
Tu praedux es currentibus,
Post cursum quiescentibus

Cervical et pulvillus.
9. Tu radius in nubilo,
Tu gaudium in iubilo,

Tu cantus nostri tonus,
Tu princeps in imperio,
Tu clangor in psalterio,

In cymbalis tu sonus.

10. Tu legis in decalogo
Sanctorumque catalogo

Fers sceptrum, diadema,
Tu fidei sermologo
De textu quam de prologo

Es veritatis thema.
11. Tu es convenientibus
Et pie conferentibus

Locutionis schema,
Tu in paradigmatibus,
Obscuris aenigmatibus

Salutis es problema.
12. Tu gemma pudicitiae,
Tu vasculum munditiae,

Tu castitatis norma,

Tu speculum iustitiae,
Fugatrix tu malitiae,
Es veritatis forma.

13. Tu acus es plumarii,
Tu pinta coriarii,

Tu colus mentis fila,
Tu spes certantis gladio,
Currentis sors in stadio,
Tu pontis nostri pila.

14. Tu incus tu metalleus
Es huius fabri malleus,
Auroram atque solem
Qui fabricans conglutinat
Et in statera trutinat
Totius orbis molem.

15. Tu noctis in silentio
Ne Satanae praeventio

Extendat fraudis lora,
Resistens in insidiis
Fulgentibus praesidiis

Es rutilans aurora.
16. Tu ensis Apollonii
In bello testimonii

Confortans Maccabaeum,
Tu fortis es vernacula
Acuta cum novacula

Decalvans Assyreum.
17. Tu navis es Armeniae,
Fons et origo veniae,

Tu gratiae cisterna,
Tu lumen es in tenebris,
Pecunia tu foenebris

Accumulans superna.
18. Tu fortis es afhaeresis,

Tam schismatis quam haeresis

Eliminans venena,
Tu lotrix tergens crimina,
Collustrans cordis limina,

Tu diluis obscaena.
19. Tutum reclinatorium,
Regale consistorium

Es summae trinitatis
Patensque diversorium,
Proselytis ciborium

Divinae maiestatis.

20. Te cuncti laudant angeli,
Collaudant et archangeli,
Coetus patriarcharum,
Te potestates caelicae
Virtutes et angelicae

Cum turbis prophetarum.

21. Te praedicat theologus,
Te praefert physiologias,

Te medicus, legista,
Te naturalis physicus,
Miratur metaphysicus,

Extollit canonista.

22. Locutione congrua
Perfecte nec incongrua

Grammaticus te praefert,
Et logicus non ambigens
A vero falsum abigens

Famosa de te refert.

23. Te coloratis floribus,
Politis rhetor moribus

Extollit gloriose,
Et calculator ethicae
Rem tuam arithmetice
Dinumerat famose.

24. Geometer tetragonis,
Pentagonis, hexagonis,

Heptagonis figuris
Te circinat, et naiades
Te laudant atque dryades

Et omne nomen ruris.

25. Te quoque cum proceribus,
Tam novis quam veteribus

Astrologi testantur,
Te stellae, caeli sidera,
Te planetarum foedera
Cum signis venerantur.

26. Te lucens polus arcticus,
Te latitans anarcticus,

Arthophylax boetes,
Te lucifer et plyades,
Orion atque hyades,

Te luna, sol, cometes,

27. Te auster, eurus, oriens,
Te aquilo, te occidens,

Multovagusque ventus,
Te imber, nix et flumina,
Tonitrua et fulmina
Typhonicusque lentus

28. Et cuncta sub imperio
Utrovis hemisphaerio

Et globo sub lunari,
Quae sunt in cunctis finibus,
In insulis et sinibus,

Abyssis et in mari,

29. Natantium, currentium,
Volantium, repentium

Te praeferunt naturae,
Equestrium, pedestrium,
Campestrium, silvestrium

Honorant creaturae.

30. Te musicus altisone
In canticis dulcisone

Extollit iubilando,
Tibicen te, psaltericen
Lyricen atque cornicen

Honorant concrepando.

31. Te cytharis clangentibus
Et iubilum agentibus

Caelestes citharoedae,
Te tubis concrepantibus
Et cymbalis sonantibus

Hymnidici tragoedae,

32. In choro et in tympano,
In chordis et in organo

Quam reverenter laudant,
Et omnium viventium
Et Ungulas moventium

Te spiritus collaudant.

XII.

1. Idcirco, virgo pia,
Maria,

Gaude,
Dei mater dia,
Sophia

[Tu] pia, plaude.

Misericors, benigna,
Tu digna

Laude,
Diluens maligna,
Dans signa

Prae hostis fraude.

Tu casta Sunamitis,
Tu mitis

Quidem,
Sedatrix Thecuitis
Es litis

Pridem,
Fida Moabitis
Ruth ditis

Booz equidem.

2. In nubibus tonantem
Infantem
Geris,
Cuncta baiulantem,
Firmantem

Molem aetheris.

Tu invidum serpentem
Furentem

Teris,
Daemonis ingentem
Frendentem

Dentem conteris.

Draconem virulentam
Distentum

Feris,
Salutis incrementum
Frumentum

Seris
Tollens esculentum
Cruentum

Pomi veteris.

3. Tu trinitatis cella,
Fiscella

Tremens,
Radiosa stella,
Bidella

Regis vehemens.

Pro nobis interpella,
Puella

Clemens,
Veni, leni bella
Flagella

Benigne demens.

Exuta carnis pelle,
Dum velle

Ruit,
Ad terram sine felle,
Quae melle

Fluit,
Duc nos iungens cellae
Novellae,

Quo manna pluit.

XIII.

Quod genitor ingenitus,

Cunctorum restauramen,
Et natus unigenitus,

Lapsorum sublevamen,
Et spiritus non genitus

Nec factus, sed spiramen
Concedat nobis penitus

Et nunc et semper. Amen.

AdminBookmark