149. De sancto Cuthberto.

AdminBookmark

7. In sublime cernens ferri
Sancti patris animam,

Per hoc tibi spem conferri
Laetaris certissimam,

Legem Dei tuae spei
Partem ponens optimam.

8, In egenis membra Christi
Summo pascens studio,

Eius pie, quem pavisti,
Pastus ministerio,

Panis pasci meruisti
Caelestis edulio.

9. Ut hoc tanto tamque sancto
Laetemur pontifice,

Eius prece, quem replesti
Salutari calice,

Pane pasce nos caelesti,
Fili patris unice.

10. Praeelectus et effectus
Gregis pastor mystici,

Pastor bonus, subis onus
Ovilis dominici,

Timens eis, ne quid reis
Iuste possit obici.

11. Non honore sublimari
Nec subiectis praefici,
Sed exemplo salutari

Forma gaudes effici,

Optans gregem informari

Verbi pane mystici.

12. Deformati per peccatum
Reformari petimus,
Ut se videns depravatum

Per haec, quae delinquimus,
Poenam deflens et reatum
Resipiscat animus.

13. Inter sanctos et electos
Excellens antistites,

Viles licet et abiectos
Nos in terra visites,

Ut a portis dirae mortis
Nos ad vitam suscites.

14. In sublimi sanctae mentis
Constitutus specula,

Duplicatis iam talentis
Pie tractans singula.

Ad superna tu augmentis
Transis habitacula.

15. Duc ad lucem, fili lucis,
Ut per lucis opera
Ab his vanis et caducis
Ab hac valle misera
Insignitos signo crucis
Reducas ad supera.

16. Non iam sensu pueriles
Sed per innocentiam

Fortes simus et viriles
Mentis per constantiam,

Exserentes ut serpentes
Pro loco prudentiam.

17. Sit in mente columbina
Sanctaque simplicitas,

Quam non fallat serpentina
Daemonum calliditas,

Quam non frangat, etsi tangat,
Praesens haec calamitas.

18. Non hic mundus, non perversa
Carnis fallant opera,
Sic nos Dei per diversa

Dirigente dextera,
Ne vel premant cor adversa,
Nec extollant prospera,

19. Serve prudens et fidelis,
Nos in fide robora,

Ab bis vitae corruptelis
Cor curans et corpora,

Ut iam nostri sit in caelis
Fixa cordis ancora.

20. Mala delens, quae meremur,
Vitam iuva fragilem,

Ut cum sanctis contemplemur
Pium et placabilem,

Quem in sanctis imitemur
Magnum et mirabilem.