147. De sancto Benedicto.

1, Vires augens et invictae
Fidei constantiam,
Tuam, pater Benedicte,

Respice familiam,
Laesae mentis et afflictae
Relevans miseriam.
2. Pietati iunge precem
Et vota clementiae,
Ut peccati purget faecem
Fons emanans veniae,
Cor emundans et fecundans
Aqua sapientiae.
3. Regularis vitae norma,
Legis sanctae speculum,
Eius lege nos informa,

Qui salus est exsulum,
Qui suscepta servi forma
Reformavit servulum.

4. In procinctu constitutis
Signum da victorias,

Certa manet spes salutis
Certantes in acie,

Si dux assit destitutis
Tuae virtus gratiae.

5. Veri Dei praeelectus
Cultor a cunabulis,

Qui caelestis intellectus
Gratiam dat parvulis,

Puer adhuc sed perfectus
Fulsisti miraculis.

6. Nil hic aetas, nil natura
Suum sibi vindicat,

Sed in sua se factura
Rerum factor indicat,

Cum per signa puer plura
Christi fidem explicat.

7. Cunctis prorsus abdicatis,
Quae sunt transitoria,
Puer summae puritatis

Ipsi, per quem omnia,
Corpus, mentem et aetatis
Consecrat primordia.

8. Redolente mentis purae

Pura conscientia
Vitae puer secuturae

Praeludis insignia
Luxu carnis et naturae

Torpente lascivia.

9. Carnis quondam prurientis

Pulsatus mollitie
Inter vepres vulnus mentis

Evasisti sauciae,
Plagas graves blandimentis

Opponens luxuriae.

10. Ne nos pestis recidiva
Blandi fallat criminis,

Sit in nobis rediviva
Tui virtus nominis,

Cuncta prorsus incentiva
Exstinguens libidinis.

11. In odorem suavitatis
Viva factus hostia

Trium, cultor trinitatis,
Sequeris vestigia,

Quos nec vinclis concrematis
Laeserunt incendia.

12. Hora prima puer Christi
Veniens ad vineam
Iam a Christo percepisti

Mercedem idoneam,
Cui te totum obtulisti
Descendens ad aream.

13. Coronandus pro tritura

Desudas in area,
In sollerti studens cura,

Ut purgata palea
Animarum grana pura

Reportes ad horrea.

14. Quasi quidam legislator

Gloriaris effici,
Felix factus informator

Ordinis monastici,
Non praeesse, sed prodesse

Gregi gaudens simplici.

15. Te pastore monachorum

Coronantur milia,
Te magistro tot modorum

Fundantur coenobia,
Quae non cordis, sed colorum

Variat distantia.

16. Benedictus digne dictus
Gratia seu nomine,

Assis pius nos ipsius
Refovens dulcedine,

Qui nos gratis a peccatis
Suo lavit sanguine.

17. Sit in corde, sit in ore

Benedicti gratia,
Immo perpcs cum amore

Dulcescat memoria,
Cuius flos est in honore

Et fructus in gloria.

18. Sit in cunctis Benedicti

Comes benedictio,
Ut ab omni nos delicti

Salvet infortunio
Sancti patris et invicti

Felix intercessio.

19. Ex terrenis emigrantem
Animam Scholasticae
Caelos cernens penetrantem
In columbae specie

20. In conspetu summi patris
Parte fruens optima

Fratres fove, sancti fratris
Soror beatissima,

Ne nos flammis tradens atris
Dies damnet ultima.