156. De sancto Matthaeo.

1. Pro salute supplicum,

Iesu, fili Dei,
Vota clemens suscipe

precesque Matthaei,
Ut nobis obtineat

fructum sanctae spei,
Diadema praeferens

summae speciei

2. Vera paenitentium

exemplaris norma,
Ad exemplum veniae.

sancte, nos informa,
Innovatos homini

novo nos conforma,
Sub humana mystice

praemonstratus forma.

3. Relicto teloneo

Dominum secutus,
Sedis apostolicae

culmen assecutus,
Veterem cum actibus

hominem cxutus,
Vivens in iustitia

novum es indutus.

4. Curis licet publicis

esset mens intenta,
Simplex in teloneo

fides est inventa,
De commissis exigens

Dominus augmenta
Suae tibi gratiae

tradidit talenta.

5. Inter animalia

mystica monstratus,
Sub humana specie

splendens praesignatus,
Deum factum hominem

palam protestatus,
Ut morte mortalium

solveret reatus.

6. Ut possimus homini

novo conformari,
Precum nos suffragio

iuva salutari,
Dans illum in gloria

celsum contemplari,
Qui pro nobis voluit

caelum inclinari.

7. Ad infirma corporis

gratis inclinatum,
Incurvatur omnium

culmen potestatum,
Cum pro peccatoribus

verbum incarnatum
Se velut exterminans

terminat peccatum.

8. Lux de luce prodiens,
lux non peritura,
Suo nobis lumine
detegit obscura,

Ut, quod in aenigmate

nuntiat figura,
Plene nobis reseret

visio futura.

9. Regum rex Adonai,

potens et invictus,
Deus es omnipotens

ex effectu dictus,
Tuae noster animus

laudi sit addictus,
Nec vinctus illecebris

nec labore victus.

10. Tu de Deo Deus es

deitasque vera,
De patris essentia

simpla atque mera
Procedens substantia,

tibi quamvis sera
Paenitentis placeat

lacrima sincera.

11. Multis me praeveniens

gratiis ingratum
Excitas ad gratias

gratis invitatum,
Tuae virtus gratiae

relevet peccatum,
Quo me miser sentio

male praegravatum.

12. Quamvis singularitas

sonet in sermone,
Peccati pluralitas

est in actione,
Tibi patent omnia,

solve, Iesu bone,
Quod nostrae non capitur

mentis ratione.

13. Tu dictus Emanuel,

sis nobiscum Deus,
Ago tibi gratias,

non ut pharisaeus,
Publicanum imitor

publiceque reus
Precor: sit propitius

mihi Deus meus.

14. Caelestis Ierusalem

civis gloriose,
Da, Mathaee, veniae

locum fructuosae.
Ut post huius tenebras

vallis aerumnosae
Cives nos excipiant

urbis gloriosae.

15. Pristinae non immemor

conversationis,
Novae nobis gratiam

da conversionis,
Ut per hanc memoriam

tuae passionis
Divinae consortium

detur visionis.

DRITTE GRUPPE.