259. In Divisione Apostolorum.

1. Gaude, Maria, pia nutrix,
Apostolorum tu imbutrix,

Doctrinae das registra,
In caritate sis alumna,
Nostra sis in spe columna,

In fide sis magistra.

2. Gaude, Simon, Petre Cephas,
Omne solve nostrum nefas

Ex tua praecellentia,
Principis mundi summe prin-
ceps,
Vivere nobis da deinceps
In vera paenitentia.

3. Gaude, vas electum, Paule,
Gaudia caelestis aulae

Praevideras perspicue,
Ad hoc semper anhelare,
Mundi doctor o praeclare,

Edoce nos proficue.

4. Gaude, Andreas, tu sectatus
Christum primo, manens gratus

In eius habitaculo,
Nos in peccato iam seniles
Ad iussa Christi fac viriles

Omni procul obstaculo.

5. Gaude, Iacobe Zebedaei,
Qui primus inter fratres Dei

Polorum scandis moenia,
Tu daemonum agnoscis iras,
Quorum vincere luctas diras

Fac nos obtenta venia.

6. Gaude, Iohannes, qui custodis
Matrem Dei et effodis

Causam omnis essentiae,
Nos cura castos custodire,
Ardenter fontem da sitire
Divinae sapientiae.
7. Gaude, Thoma, fidei fractor,
Sed post vulnerum Christi
tactor,
Primus fide certificas,
Tuo dubio nos beamur,
Da in errorem ne labamur
Nec in poenas horrificas.
8. Gaude, Iacobe, frater Christi,
Vocatus iustus qui fuisti
Prae sanctitate nimia,
Fac carnem nostram sic mar-

cere,
Mens intus ut possit vigere
Virtutum ad sublimia.
9. Gaude, Philippe, summi regis
In famelici pastu gregis

Factus consiliarius,
Ostende nobis vultum patris,
Ne faucibus nos voret atris
Draco adversarius.
10. Gaude, Bartholomaee, tute,
Nam pro detracta tua cute

Vestiris stola gloriae,
Servire Deo nos instiga,
Hostem nostrum fortem liga
Palmam dando victoriae.

11. Gaude, Matthaee, qui et Levi,
Ex publicano fis in brevi

Dispensator fidelium,
Terrena doce nos calcare
Et fac caelestia amare

Per tuum evangelium.

12. Gaude, Simon Cananaee,
Christi pacem ad nos vebe

Servans in bono nomine,
Nos impugnantes fac elingues,
Spiritu Dei simus pingues

Veteri spreto homine.

13. Gaude, Thaddaee sive Iuda,
Abagarum a lepra cruda

Mundasti tersa facie,
Per te mortem Christus prae-

stet,
Ut tunc se ipsum manifestet
Nobiscum caeli acie.

14. Gaude, Matthia, parve Christi,
Qui thronum Iudae meruisti
Prae cunctis in hoc saeculo,
Fac inter sanctos nos as-
cribi,
Ut semper collaetemur tibi
In trinitatis speculo.

15. O vos principes et athletae,
Iusti iudices congaudete

Simul et singulariter,
Eia, mundi lumina vera,
Has preces cum mente mera

Offerte Deo pariter.

16. Nec aliquando desistatis,
Donec dicatur: nunc est satis ;

Vestris iunctis laetitiis
Tunc summa salus est homini
Gaudere de bonis Domini

In intimis deliciis.