702 Acta Apostolicae Sedis - Commentarium Officiale

in dies propensior Patres e Congregatione Sanctissimi Redemptoris omnino

suaserunt, ut exuvias eius e coemeterio Vindobonensi in ecclesiam Beatae

Mariae Virginis ad Ripam intra fines eiusdem metropolitanam civitatem

magna fidelium concurrente multitudine transferrent.

Ob eius sanctitatis famam Causa Beatificationis et Canonizationis apud

Curiam Archiepiscopalem Vindobonensem inita est per celebrationem Pro-

cessus Ordinarii Informativi a die 14 mensis Novembris anno 1934 ad diem

12 mensis Novembris anno 1937, quem apud eandem Curiam secuti sunt, a

die 15 mensis Decembris anno 1978 ad diem 6 mensis Aprilis anno 1979,

Processus Cognitionalis et, a die 29 mensis Novembris anno 1983 ad diem

26 mensis Ianuarii anno 1984, Processus Cognitionalis Suppletivus, quorum

auctoritas et vis iuridica ab hac Congregatione de Causis Sanctorum primum

die 17 mensis Novembris anno 1995 probatae sunt. Positione confecta, die 24

mensis Aprilis anno 2013 in Congressu Peculiari Consultorum Theologorum

prospero cum exitu disceptatum est, iuxta consuetudinem, an Servus Dei

more heroum virtutes christianas exercuisset. Patres Cardinales et Episcopi

in Sessione Ordinaria diei 15 mensis Aprilis anno 2014, cui egomet ipse

Angelus Cardinalis Amato praefui, professi sunt Servum Dei virtutes theo-

logales, cardinales iisque adnexas in modum heroum exercuisse.

Facta demum de hisce omnibus rebus Summo Pontifici Francisco per

infrascriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servi Dei Villelmi

Janauschek, Sacerdotis professi e Congregatione Sanctissimi Redemptoris, in

casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 15 mensis Aprilis a.D. 2014.

AngelUs card. AmAto, s.d.B. Praefectus

L. G S.

G mArcellUs BArtolUcci

Archiep. tit. Mevaniensis, a Secretis