706 Acta Apostolicae Sedis - Commentarium Officiale

BARCINONENSIS

Beatificationis et Canonizationis Serví Dei Hyacinthi Alegre Pujals Sacerdotis

Professi Societatis Iesu (1874-1930)

DECRETUM SUPER VIRTUTIBUS

« Venite benedicti Patris mei, possidete paratum vobis regnum a cons-

titutione mundi [...] quia infirmus et visitastis me » ( Mt 25, 34-36).

Misericordia in infirmos et dolentes totius vitae Servi Dei Hyacinthi

Alegre Pujals constans fundamentum fuit. Ille enim, secundum evangelii

doctrinam, in fratribus contemptis ac e multis spretis, vivam praesentiam

Iesu crucifixi semper percipere voluit.

Servus Dei die 24 mensis Decembris anno 1874 in pago v. d. Terrassa

non longe a Barcinone e Ioachina Pujals Bosch et Caietano Alegre Trias

natus est. Septem diem post natum sacro fonte lustratus est menseque Maii

insequentis anni Chrisma accepit. Familiares mores maxime propitii eius

spirituali incremento fuerunt, enim christianum parentuum testimonium et

pueritia acta inter opificia Terrassa pagi, operariorum miserias percipiendo,

in eo afflatum amoris in omnes dolentes perduxerunt.

Regalem Collegium eiusdem pagi frequentavit et die 14 mensis Maii

anno 1885 primitus ad Corpus Christi accessit. Mense Martii anno 1889 in

mariano Sanctuario Montis Serrati vocationem ad sacerdotium et ad vitam

religiosam percepit et intellexit. Mater eius, quae ei summo amore abstricta

erat, etiam quia vidua ab anno evasit, primum obiecit filii voluntatem sed

postremo Hyacinthi constantiae obsecuta est. Ille ergo, academico anno

studiorum expleto, in Societatem Iesu ingressus est et anno 1892 Veruelae

novitiatum incepit.

Doctrinali institutione exagente, animum condiscipulorum sibi valde

conciliavit propter iucundum ingenium et quia semper omnibus libenter

praestabat. Spiritualium exercitiorum mensis maxime animum iuvenis Hya-

cinthi conturbavit et solidum fundamentum eius religiosae vitae constituit.

Illis in annis duo pietatis officia, scilicet ministerium in valetudinariis et

sacra peregrinatio, stipem emendicando Dei pro amore, spiritum eius cor-

roboraverunt. Sic ante tempus officium faciens, quod totius vitae suae prae-

cipuum erit.