708 Acta Apostolicae Sedis - Commentarium Officiale

intentio fuit: enim dicebat divinis in rebus divinius esse cum Deo operare

ut animas servarent. Virtutibus suis boni institutoris doctrinae christianae

et animo laeto, multorum iuvenum benevolentiam captavit et hac fiducia

solidissimam institutionem christianam eis praebuit. Assidue aegrotos in

valetudinariis visitavit et ad necessitates tam materiales quam spirituales

istorum sine mora attendit.

Eius ratio vitae ad virtutum perfectionem semper intenta fuit, animo

miti ac humanitate pleno, profunda fide ac firmissima, quae oratione, co-

tidiana eucharistia, et mariano cultu nitebatur, verus amor pro ministerio

fratrum, haec omnia Servi Dei propria fuerunt. Eius modus agendi secun-

dum summam indulgentiam in proximum modulabatur maxime in illos, qui

paupertate ac infirmitate premebantur, omnibus serenitatem ac vim ad

spem persequendam donabat.

Anno 1930 Servus Dei optima valetudine videbatur et mense Maii illius

anni Episcopus Barcinonensis sibi eum confessorem elegit; tamen post se-

cundam partem mensis Septembris aegrotare incepit, mensibus Octobris et

Novembris, solito more, suo officio attendit, sed die 8 mensis Decembris

gravi infectione affectus est, qua re statim in valetudinario receptus est.

Post biduum, die 10 mensis Decembris anno 1930 mortuus est, nequiens

valetudinarium nomine Cottolengo, cui valde operam dedit, inaugurare. Ta-

men etsi hoc institutum erectus sit duos annos post obitum P. Alegre, ipse

istius operae caritatis pro incurabilium aegrotorum et pauperum ministerio

fundator ab omnibus habetur.

Fama sanctitatis a die 7 mensis Ianuarii anno 1952 ad diem 24 mensis

Octobris anno 1957 iuxta Curiam Barcinonensem Processus Informativus

dioecesanus celebratus est, cui accessit Inquisitio Suppletiva a die 29 mensis

Aprilis anno 1997 ad diem 22 mensis Aprilis anno 1999, quorum iuridica

validitas ab hac Congregatione de Causis Sanctorum, per Decretum diei 10

mensis Decembris anno 1999, est approbata.

Exarata ergo Positione, disceptatum est secundum consuetas normas an

Servus Dei heroum in modum virtutes excoluisset. Positivo cum exitu die 19

mensis Ianuarii anno 2013 Peculiaris Congressus Consultorum Theologorum

habitus est. Patres Cardinales et Episcopi Ordinaria Sessione congregati

die 6 mensis Maii anno 2014, me Cardinale Angelo Amato praesidente,

agnoverunt Servum Dei virtutes theologales, cardinales et adnexas, heroum

in modum, excoluisse.