710 Acta Apostolicae Sedis - Commentarium Officiale

LAUDENSIS

Beatificationis et Canonizationis Servi Dei Aloisii Savaré Sacerdotis Dioecesani

(1878-1949)

DECRETUM SUPER VIRTUTIBUS

« Super omnia induite caritatem, quod est vinculum perfectionis » (cf.

Col 3, 14).

Constans aemulus Iesu Christi et Boni Pastoris caritatis particeps be-

nignus, Servus Dei Aloisius David Savaré evangelium salutis et humani

provectus vita et operibus renuntiavit.

Hic Servus Dei die 15 mensis Augusti anno 1878 Cremonae in Italia natus

est. Ultimus e decem filiis, ad lumen christianae pietatis institutus est apud

eandem familiam suam modestam: nam, pater, qui opus amiserat, tamquam

ambulator patriam Laudem rediit, ubi familia exinde stabiliter consedit.

Iam inde ab infantia Servus Dei Aloisius vocationem ad sacerdotium

percepit et, tredecim annos natus, Seminarium dioecesanum ingressus est,

in quo ardentis pietatis ac studii conversatione eminuit. His in institutionis

annis sub peculiari illo humanitatis fermento, quod, recentioribus Litteris

encyclicis Rerum novarum utique collustrantibus, difficultatibus societatis

perscrutandis iam indulgere videbatur, magnam institutorum illorum cumu-

lavit sollicitudinem, quibus postea doctrinae socialis Ecclesiae nomen datum

est. Anno 1903, presbyteratu auctus est et, dum ei accingebatur, conspectum

spiritualitatis iamiam conscripserat, qui ad perfectionem inquirendam in

exercitio ministerii palam pertinebat.

Primum munus eius pastoralis administratio fuit paroeciae Deo in hono-

rem Sancti Blasii in loco Cornu Iuveni Laudensi in territorio dicatae, quo uti

vicarius coadiutor missus est. Hic, in extremi squaloris adiunctis, omni ope

enisus est ac, praeter opus evangelizationis incepta, ad provectum socialem

populi fovendum quoque iniit opera, sicuti veteris fornacis refectionem et

consortii viticolarum institutionem, quibus labor familiis egenis offerretur

atque viros iuvenesque ab omnibus arcerentur lustris, atque scholas insuper

constitit ad rudimenta scripturae et lectionis impertienda.

Anno 1909 Laudem repetitus, ut coadiutoris in ecclesia Cathedrali gereret

officium, etiam munera bonas litteras et religionem in Seminario praeci-