150. De sancto Edmundo.

1. Illustris memoriae

laudisque iucundae.
In superno rutilans

regno, rex Eadmunde,
Summae rorem gratiae

mentibus infunde,
Ut divinis splendeat

gratiis fecunde.

2. Felici commercio

gaudioque pleno
Caeleste suscipiens

regnum pro terreno
Supplicantes oculo

respice sereno,
Ne spretis caelestibus

locus sit in caeno.
3. De lacu miseriae

et de luto faecis
Nos educat meritum

tuae sanctae precis,
Ut per paenitentiam

reddita lux caecis
Nos a nexu liberet

sempiternae necis.

4. Ad hoc, ut devotio

mentis excitetur,
Sancti regis gloria

miles delectetur,
Ut amoris passibus

ipsum imitetur,
Caro licet fragilis

menti reluctetur.
5. Christianae fidei

fortis propugnator,
Residens in solio

regni gubernator,
Quid velit, quid valeat

hominum temptator,
Praetemptati Domini

sentis imitator.
6. Exemplo nos celebri

volens informari
Christus a diabolo

voluit temptari,

Ut per patientiam
discant conformari,

Qui se vero capiti
volunt coaptari.

7. Cum ergo temptatio

sit haec vita tota,
Nostraque condicio

tibi sit, rex, nota,
Rege nos et erige

dirigendo vota,
Ne cedat certamini

mens adversis mota.

8. Inde voto regio,

rex, utaris iure,
Persequendo vitia

deferens naturae,
Ad salutem consulens

novae creaturae,
Ut a casu veteris

caveat iacturae.
9. Summae regi gloriae

gratus et acceptus,
Regio munimine

certas circumsaeptus,
Nullis usquam hostium

dolis interceptus,
Diadema gloriae

victor es adeptus.
10. Qui digna pro meritis

praemia largiri
Et magna pro minimis

novit impertiri,
Vires augens mentium

tanti preces viri
Piaque suffragia

praestet experiri.
11. O mira certamina

regis gloriosi,
Perfert, quidquid inferunt

hostes furiosi,
Ut rorante sanguinis

unda pretiosi
Seges lata prodeat

fractus copiosi.

l2. Corpus illud regium,

corpus impollutam,
Singulari purpura

sanguinis imbutum.
Sagittarum iaculis

cernitur hirsutum,
Nec certanti defuit

regi rex virtutum,

13. Perfidorum studio

caput occultatum
Voce piis propria

fulsit declaratum,
Ut sit idem integre

membris coaptatum,
Nostram cunctis martyrem

reddat commendatam.

14. Animatis gloria

signi tam praeclari,
Rex et martyr, subveni

prece salutari,
Ut unum in lapide

simus angulari,
Gloriantes capiti

membra coaptari.

15. Unitatem interim

sanctae caritatis
Probet unanimitas

bonae voluntatis,
Ut in unam fidei

gratiam vocatis
Unicum sit praemium

pax aeternitatis.