154. De sancto Gnthlaco.

1. Vera regni perfruens

perennique pace,
Pacis nobis gratiam

impetra, Gudlace,
Ut evicto principe

mundi pervicace
Salvemur a flammea

saeculi fornace.

2. Huius nobis gratiae

pacem, inquam, praesta,
Ne repugnans animae

caro sit molesta,
Ne qua membris ingerat

mundus inhonesta,
Ne fraus fallat daemonum

frequens et infesta.

3. Quam praeclara fulserit

patris sancti vita,
Tot et tantis crebrius

bellis lacessita,
Ipsa sancti corporis

ossa iam sopita
Signis multiplicibus

probant insignita.

4. Condigna pro meritis

palmae dono praestas,
Militem remunerans

regia maiestas,
Dam virtutes exserit

mundo manifestas,
Data super daemones

virtus et potestas.

5. Decus augens generis

proles generosa
Ac si candens lilium

rubicante rosa,
Virtutis angelicae

luce radiosa
Gentis fulges Anglicae

lampas luminosa.

G. Non diu sub modio

lampas obumbrari,
Non flamma sub cinere

patitur celari,
Nec pro voto valuit

virtus occultari,
Ad horam sub chlamyde

latens militari.

7. Non humanae deditus

famae seu favori,
Dei se devotius

consecrat amori,
Ut in Christo viveret,

mundo volens mori,
Viam cursu regiam

carpit altiori.

8. Eremitae studium
vitamque professus
Haeret ei iugiter
eremum ingressus,

Qui suos per omnia
dirigendo gressus

Sacri dux propositi
fuit indefessus.

9. Sub potenti brachio

consolatus Dei,
Summo fit solacio

vox Bartholomaei,
Cui se devoverat

sic commendans ei,
Ut post Deum sibi sit

sacrae summa spei.

10. O virtutis unicae

virum gratiosum,
Quem sola felicitas

fecit odiosum,
Dum extricans daemonum

agmen tenebrosum
Sedem sibi vindicat

sidus gloriosum.

11. Fraudes, minas, iurgia

passus et flagella,
Sub hac quasi fluctuum

aestuans procella,
Inter multifaria

certat sanctus bella,
Nec cessit plantatio

veteri novella.

12. Vetus hospes insulae

cessit adventanti
Daemonumque legio

sancto triumphanti,
Cum id praestet proprium

gratia certanti,
Ut in patientia

sit corona sancti.

13. Non formidans facies

daemonum larvales
Nec conflictus metuens

bono spiritales,
Plagas a spiritibus

passus corporales,
Palmas victis omnibus

refers triumphales.

14. Summae vir clementiae

magnaeque virtutis,
Sub hoc pugnae triplicis

bello constitutis,
Ecce, nobis impetra,

gratiam salutis
Fraudis diabolicae

curribus solutis.

15. Liberare corpora

solitus obessa,
Corda muni supplicum

hostis vi repressa,
Ut post hanc instabilem

detur pas expressa,
In qua lux et veritas

viget indefessa.