155. De sancto Luca.

1. Lucis heres eaelicae,

caeli sidus claram,
Luce Luca radians

clara gratiarum,
Tuae cedant lumini

nubila culparum,
Quibus in hac premimur

valle tenebrarum.

2. Arte Luca geminae,

vigens niedicinae,
Tuae nos participes

reddas disciplinae,
Animas et corpora

subtrahe ruinae,
Ut utraque consona

legi sint divinae.

3. Luca, mentis medice,

vitae vir sincerae,
Mentis nostrae vulnera

clemens intuere,
Aegris spem restituens

sospitatis verae,
Laesis multipliciter

cordibus medere.

4. Boni more militis

signa sequens ducis,
Imitator sedulus

sanctae factus crucis,
Actu, verbo, nomine

splendens lampas lucis,
Luca, nos illumina

levans a caducis.

5. Tu, qui primam Moysi

legem das in Sina,
A communi liberans

Israel ruina,
Aurem supplicantium

precibus inclina,
Per hunc nos erudiens

in lege divina.

6. Procedens de gremio

ventris puellaris,
Paradisi profluus

fonsque singularis,
Quatuor in flumina

vere derivans,
Quibus mundi quatuor

partes amplexaris.

7. Haec sunt evangelicae

verba disciplinae,
Orbis irrigantia

fines tali fine,
Ut fructum uberius

referant doctrinae
Irrigati copiis

gratiae divinae.

8. His enim instruimur

excitati sonis
Credere mysterium

incarnationis,
Victricem dominicae

palmam passionis,
Resurgentis gloriam,

spem ascensionis.

9. Huius quaternarii

certa sub figura
Exprimit mysterium

crucis quadratura,
Quae mundi quadrifidi

partes complexura
Quadriformi praeminet

cornuum structura.

10. Gratiarum omnium

crux est plenitudo,
Per crucem prudentiae

surgit certitudo,
Firmatur iustitia,

viget fortitudo,
Sed et temperantiae

vernat pulchritudo.

11. Per hanc evangelii,

Christe, quadraturam,
Per crucis dominicae

mysticam figuram,
Per virtutum quatuor

stabilem structuram,
Nostra firmans pectora

vitam praesta puram.

12. Caelibatus celebris

caeli iam conviva,
Luca, nos illumina

luce rediviva,
Caritate reprimens

carnis incentiva,
Ne cor urat criminum

febris recidiva.

13. Te sub animalium
typica figura
Praesignat in vitulo
mystica sciptura,
Cum scribenti maxime

fuerit in cura
Mystici mors vituli
mundum redemptura.

14. Ne quid suum vendicet

mortis nox secundae,
Sanctae lucis radio,

Luca, nos perfunde,
Ut de nostra luce sint

virgines iucundae,
Quas praecedent lampades

oleo fecundae.

15. Septiformis gratiae

spiritu repletus,
De morte tripudians,

de triumpho laetus,
A mundo iam meritis

morteque discretus
Vernas inter floridos

electorum coetus.

16. Lux de luce radians

patris, pax interna,
Tu nos Luca remige,

regum rex, guberna,
Per haec mundi maria

ducens ad superna,
Ubi pax et veritas

et lux est aeterna.