159. De s. Iohanne Beverley.

1. Ave, gemma curatorum,
O Iohannes, flos doctorum,

Rector de Marstonia;
Ave, lux praedicatorum,
Vas virtutum, via morum,

Ducens ad caelestia.
2. Ave, pater clericorum,
Exemplar presbyterorum

Et vincens daemonia;
Ave, consors angelorum,
Contemplator supernorum

In carnis munditia.

3. Ave, salus infirmorum,
Medicina vexatorum,
Febrium molestia ;
Ave, lumen oculorum,
Liberator languidorum
Dentium angustia.
4. Ave, cum miraculorum
Redivivus bos tuorum
Profert testimonia ;
Ave, duum puerorum
Suscitator submersorum
Per tua suffragia.

5. Ave tu, qui es cunctorum
Consolator miserorum,

Qui sunt in tristitia,
Ave, dux peregrinorum,
Esto ductor viatorum

Ad superna gaudia.