189. De sancto Pontio.

1. Celsa personet melos

vox in hac aula

2 a. Factori creata

jubilent

Deo cuncta

in hac rhythmica

die reboando

carmina,

2 b. De hoste maligno

Pontius

reportavit

in qua trophaea

praeclara peracta

machia.

3 a. Prolem patris unicam

supera laudent atque ima,

ob. Per quam mundi valida

perornatur semper machina.

4 a. Laetabunda quem jure

laudant agmina

4b. Tripudiando celsa

in palatia.

5 a. Clara gestant

in qua serta.

Carmina laudum

suscipe, redemptor,

arce superna,

Qua Deus

regnas per saecula,

5 b. Quae nunc boat

haec caterva.

Annua sancta

martyris nam festa

Pontii laeta

Celebrans

concinit organa.

6 a. Quam pulchra nivea

corruscant

martyrum polica

in aula

agmina cum palma,

6 b. Calcarunt illata

tormenta

jussa tyrannica

et cassa

qui cuncta in arva.

7 a. Fides quorum firma,

virtus infracta,

supra veram

mansit solidata

sat petram.

7 b. Adsignant in axe

agno laureas

et phialas,

per aethra sequuntur

quem una.

8 a. Coelica inter chorea

Pontius triumphat,

8 b. Insignis martyr corona

rutilans corruscat.

9 a. Stirpe de inclita

Ortus in Pomulea

urbe fulsit splendida

ut lucerna

Vetema diruens delubra.

9 b. Pollens verum dogma,

Urbs vertebat orbitam

Roma cum millesimam,

monarchiam

Primus Christo fecit credulam.

10 a. Sacrilega et saeva

ingemebat tunc turba,

10 b. Fana ruisse sua

repurgia cum ipsa.

11a. Pars electa

multum per ampla

praepollebat ovans

orbis climata.

11b. O quam laeta

piorum phalanx

properabat sacra

ad ovilia.

13 a. Ovant omnia

virtutum agmina,

cum Christus almam

ipsius animam

fert ad alta

secum sidera.

13 b. Boant carmina

justi neetarea,

intra supernam

Martialem aulam

inthronizant

comptum laurea.

14 a. Ob merita,

inclite, sacra

frueris quo jam gloria

inexhausta

pastor per saecla,

14b. Collegia

respice nostra,

poscimus, tibi rythmica

canentia

melodemata.

15. Tua perpia

gratia debita

nostra solvat.