161. De sancto Martiali.

1. Valde lumen,
quod mirantur
sol, luna,

2 a. Nunc Martialis pia
merita

concrepent agmina
dando devotissima
tibi cantica.

2 b. Hunc nam apostolica
sodalem

captant collegia
praeclarum consoeia
per sedilia.

3 a. Rite sacra vestigia
nam tua

secutus est perpropera
coelitus ipse gratia.

3 b. Respuit ac consortia
paterna,

inde promeruit claram
coelo terraque gloriam.

4 a. Benjaminea

satus est tribu nam inclita,
mane praedamque vespera
comedat ac
dividat suam

4 b. Vaticinia

prompserunt Israelitica,
quae recinit haec caterva
promens grata
vocum sinuata

5 a. Suscipias
jam devota
precum libamina,
Martialis

quae turma harmonica
resultando lyra
ad alta, Christe, tua
ac precata
promit sidera.

5b. Aquitana
haec precata
Lemovicum pia
laudantia
patronum festalia
per celeberrima,
quae mente jam devota
venerantur
ac humillima.

6 a. Monastica

plaude caterva,

Martialem sonans,

Martialem rogans

debita

persolvendo hyperlydiea.

6 b. Lemovica

sic plebs resulta

Martiali nova,

Martiali tuo

carmina

concrepando lrypodorica.

7 a. Da festiva
voce carmina
rite patronum, Aquitana,
proprium jam devota
ferens laudibus
super aethera

7b. Kamque signa
apostolatus

sacri sic exstas ejus alma,
domita Christo colla
subdens credula
verba per sacra.

8 a. Altisona
ergo cantica
talia rhythmica
nunc nunc camoenas
addas, quae concentu
lyricam resonent
rite musicam.

8 b. Hydraulica
niela reboans
praesuli concrepa
jam Martiali
necne Aquitana
venerando fave
plaudens caterva.

9 a. Ergo precata,
praesul, nostra,
perfer in astra coelica
Christo propria,
quae sibi placeant.
dans scelerum
improborum veniam
tua gratia.

9b. Hanc impetratam
nobis feras,
quo celebrantes gaudia
festi rutili
optata potiri
ac solemni
mereamur perfrui
regni gloria.

10 a. Ubi concinit angelica
cohors conjubilans
coelicum alalagma
dindima
praecelsa

resonans in aethra
melodemata.

10b. Laetaris ubi in gloria,
praesul, cum Cherubim
ac Seraphim beata
agmina
ter sancta
dulciter carmina
Christo dantia.

11. Quo nobis sedem beatam
precibus sacris impetra
ac pium Alleluja.