179. De sancto Augustino.

1. Gaude, praesul Augustine,
Qui cum Deo sine fine
Regnas in caelestibus,

Gaude, pater et patrone,

Doctor pie, pastor bone,

Fulgens in operibus.

2. Gaude, quia, dum flevisti,
Consolantem te audisti

Vocem missam caelice,
Gaude, quia decepisti
Daemonem, dum delevisti
Peccatum ex codice.
3. Gaude, laus totius cleri
Nec non propugnator veri,
Falsa nulla metuens,

Gaude, lampas luminosa,
Tu fax ardens gratiosa,

Tenebrosa respuens.
4. Gaude, quod nos docuisti
Per scripta, quae reliquisti

De fide catholica,
Audi servos te rogantes,
Et post mortem te orantes

Duc ad regna caelica.