245. De sancto Aegidio.

1. O Aegidi, Athenarum
Urbs te fovit valde clarum

Ortum stirpe regia,
Te a cunis benedixit,
Te in virum doctum vexit

Lex Christi egregia.
2. Propter legem hanc eandem
Cuncta bona linquis tandem

Defunctis parentibus
Et heredem Christum facis,
Dum in locum tutum iacis

Dando hoc egentibus.
3. Tua vestis aegrum sanat,
Virus sepis retro manat

Tua prece valida,
Tu triennem febrem fugas,
Ab obsesso daemon nugas

Fugit te vi squalida.
4. Tempestatis tranquillato,
Naufragantum liberator

A marino barathro,
Tu vertis sterilitatem
Terrae in fertilitatem

Sacrae precis aratro.
5. Ex his gestis timens capi
Et ad vanam laudem rapi

Sanctus adversariam,
Ab hac tutus esse volens
Tu desertum petis colens

Vitam solitariam.
6. Invenis sub spinis ibi

Quoddam antrum aptum tibi

Pro quietis spatio,
Parvi fontis venam gratam
In nutricem praeparatam,

Cervam pro solacio.

7. Quae tibi subserviebat
Certis horis et praebebat

Lactis alimoniam,
Cui fis orando aegis
Contra venatores regis,
Canum acrimoniam.

8. Vulneraris, inveniris,
Quis et qualis experiris

A rege, pontifice,
Ne cureris, tu precaris,
Multa dona aspernaris

Praebita munifice.
9. Ex his claustrum iubes strui,
Victus prece regis tui

Tu, pater, praeficeris,
Ob magnam sanctitatem
Ante magnam maiestatem

Karoli alliceris.
10. Angelus tunc tibi defert
Cartam,quaeiam regis praefert

Scelus enormissimum
Propter te dimissum esse
Et, qui habet par necesse,

Dimitti certissimum.
11. Dehincquidamprincepsnatum
Recipit resuscitatum

Per te cum laetitia.
Ora solvi hic, mi pater,
Cunctas culpas, ne seps ater

Voret me saevitia.

12. Semper habe me protectum,

Suscita me seminectum

Et me laesum medica,
Ut a cunctis malis veter
Et in caelis tecum laeter,

Me virtute dedica.