247. Prosa Dominicalis.

la. Laeti canamus
Domino carmina
recta fide,
credulitate vera,

1b. Qualiter manet
unicus filius
sede patris
conlocatus in alta,

2 a. Sanctus quoque spiritus.
praesidet
qui aetheris in aula.

2 b. Haec nos totis viribus
ac mente
simul canamus uno,

3 a. Si sic pariter
sibi canendo
modulantur cuncta.

3 b. Par est deitas,
una majestas,
aequalis copula;

4 a. Voluntas una manet
fulgida
aeterna per saecula.

4b. Personalis natura
est simpla
ac illorum gloria

5 a. Ut cum sint ubique
nobismet
tribuunt undique
gloriam.

5 b. Hoc coeli quoque nos
admonet
alta protendere
culmina.

6 a. Prophetarum praedicta
quotidie non cessaiit
aperire nobis,

6 b. Quae ducit ad aeterna
per priscorum patrum
memorabilia.

7 a. Mira quidem

gerentes hinc inde
opera ad sanctorum
stigmata pulchra
quidam homines
opera,

7 b. Atque agunt
exterius pater
solus in alta, natus
pariter, una
sanctus spiritus
haec signa.

8 a. Cui voces
et corda, laus
intima
una sit devota praemodica.

8 b. Ipsi decus
ac potestas
sola sit
in aethera per cuncta saecula.