248. De sancta Aldegunde.

1. Gaude laude mundiali,
Aldegundis, nam regali

Es producta genere,
Licet micet in hoc splendor,
Sicut tamen stercus Endor

Tibi nymphae tenerae.
2. Gaude, aude gloriari,
Nulli sponso desponsari

Elegisti libere,
Soli poli iungi sponso,
Sacra veste, crine tonso

Cordi hunc inscribere.
3. Gaude, fraude procul mota
Tua sanctitas fit nota

Publico examine,
Quando stando venerandus
Benedixit te Amandus

Sacro cum velamine.
4. Gaude, plaude, misit caelum
Columbam, quae sacrum velum

Pede, ore detulit,
Scandens, pandens, post des-
cendens,
Tuo capiti impendens

Seque sursum retulit.

5. Gaude, caudae mundi prona
Cedens vendis cuncta bona

Omni cum allodio,
Multa fulta largitate
Dans egenis struis grate

Claustrum in Melbodio.

6. Gaude, claude sponsas Christi,
Quas ibidem collegisti

Servans regulariter,
Ore more illas docens,
Cunctis placens, nulli nocens,

Vivens exemplariter.

7. Gaude, gaude super cuncta
Regni sponso tuo iuncta

Delectabilissime,
Leta meta absque poena
Volans caeli ad amoena
Desiderantissime.

8. Pridem quidem sciens mortem
Hic purgandi petis sortem,

Si qua negligentia
Esset, cesset, nec fis cassa,
Es in mamma cancrum passa
Multa patientia.

9. Unde funde, virgo alma,
Preces pro habenda palma

Omnium turbantium,
Mundis fundis nos aduna
Sursum, ubi tu es una

Semper iubilantium.

10. Cura, pura, obtinere

His, quos tu scis indigere,

Valens beneficium,
Totis votis hinc rogaris,
Tuis caris largiaris
Caelicua hospitium.