257. De sancto Antonio.

1. Gaude, pater mi Antoni,
Totius paterni boni
In egenos dispartitor,
Christi surdus non auditor,

2. Gaude, te daemoniales
Turbae, ferae infernales
Dire totum lacerarent,
Non te tamen superarunt.

3. Gaude, pie visitatus
Es a Christo et sanatus
In splendore praefulgente,
Omnes hostes propellente.

4. Gaude, tibi meruisti
Ex promissione Christi
Nomen tuum dilatandum
Et per totum mundum fandum.

5. Gaude, laqueis vidisti

Mundum plenum et audisti:
His humilitas non cadet,
Nullus sine hac evadet.

6. Gaude, eremi tu vitam
Laudas tribus pugnis quitam
Seu auditus, visus, oris,
Sed non cordis cunctis horis.

7. Gaude, angeli lactantes
Te, sed daemones obstantes
Multa tibi obiecerunt,
Sed probando defecerunt.

8. Gaude, nam te totus orbis
Colit, ut a tribus morbis,
Si non sint, sic praeservetur
Et, si iam sint, ut curetur.

9. Gaude, ego pauper homo
Parvas tibi laudes promo,
Te hic colo pro patrono,
Firma me in omni bono,

10. Ut a culpis absolutus
Et a cunctis poenis tutus
Mox per tuum adiuvamen
Migrans hincsim tecum. Amen.