268. De sancta Brigida.

Salve, virtutum gemmula,
Devota Christi Brigida,
Quae a Christo postulasti,
Postulando impetrasti,
5. Ne tuam mundam castitatem
Propter sordidam foeditatem

Unquam violaret homo,
Sed in castitatis domo
Posses Christo famulari
10. Et sic sponso sociari

Non habens carnis maculam,
Sed decoratam animam.

Sic sponsus sponsam tetigit,
Sicut tunc sponso placuit ;

15. Nam pro ornatu capitis
Velamen mundum virginis
Ad honorem sponsi Christi
Tam devote assumpsisti
Et claustralem ducens vitam,

20. Omni virtute politam,
In qua multa clara signa
Cunctis, quae sunt laude digna,
Per te Christus operatur,
Mundus quibus gratulatur.

25. Caecis visum reddidisti,
Claudos transire fecisti,
Languidis medelam

Et mutis loquelam,
Daemones tu effugasti,

30. Discordes consociasti;
Aridum lignum floruit,
Te castam esse monstravit.
Post multa vero tempora
Sic tua munda anima

35. Volat de mundo et corpore
Ad lucem pateruae gloriae.
O virgo sancta Brigida,
Matris Christi pedissequa,
Ora Christum summum regem,

40. Ut ad illum caeli gregem
Post hanc vitam me perducat,
Ubi sine fine regnat.