270. De sancto Christophoro.

1. Gaude, Christophore mire,
Soli principi servire

Summo tu decreveras;
Gaude, regem tu maiorem
Et Satan potentiorem

Propter Christum spreveras.

2. Gaude, multos zelo Christi,
Ne perirent, transtulisti

Per flumen alacriter,
Gaude, per te puer gratus
Portans mundum est translatus,

Sed te pressit acriter.

3. Gaude, galea ignita,
Ardens scamnum, infinita
Tela te non superant,
Gaude, octo quadraginta
Milia per te adciucta
Ad fidem eruperant.

4. Gaude, nam in fide recta
Tua facies conspecta

Devote tibi homini,
Die illa diram sortem
Mutat, pellit malam mortem
Virtute Christi Domini.

5. Christus onus leve suave,
Quem quaerebas, meum gravo

Pondus malorum leviat,
Mitiget temptationem,
Omnem tribulationem,

Ne nimis in me saeviat.
6. Gaude, hostis caecus factus
Ex cruore tuo tactus

Sanus fit et credulus ;
Ut sic pergam Christi viam,
Quod in morte salvus fiam,

Ora pro me sedulus.