315. De sancto Petro.

1. O princeps apostolorum,
Petre, lumen Romanorum,

Flos vitae sanctitatis,
O decus paenitentiae,
Columna indulgentiae

Tu fautor veritatis.
2. Qui Iesu familiaris,
Cephas mundi appellaris,

Quam multos erexisti
De miseria fanorum
Atque coetu paganorum,

Quam iuste tu vixisti.

3. Tu pluries incippatus,
Degens plorans, fatigatus

Opprobria post dira
Et truci cruci affixus,
Tormentatus, crucifixus
Afflictione mira.
4. O confessor nati Dei,
Roborator sanctae spei,
Tu ianitor caelorum,
Promulgator novae legis,
Angularis summi regis,
Remissor peccatorum.

5. In hac vita fac nos puros
Supernorum sic securos,

Cum venit mortis hora,
Ut tunc simus supernales
Gaudiorum partiales,

Pro nobis exora.