318. De Quadraginta Martyribus.

Redolet in ecclesia
Flos florum, virgo Maria,
Florete flores ut lilium,
Qui amatis eius filium.
5. Puritatis huius floris,
Castitatis et decoris
Date vos nunc odorem
Secundum castum morem
Et frondete in gratia

10. Per huius mundi spatia.
Christum collaudate
Cum iucunditate,
Qui vos cum serto roseo
Coronavit in gaudio

15. Et frequentate canticum,
Sponsum cunctarum virginum
Collaudet nostra contio
Spirituali iubilo.
Demus laudem cum vocibus

20. Quadragenis virginibus,
Quas collegit Dominus
De his mundi partibus,
Quas et ornavit floribus
In paradisi foribus,

25. Ut ibi sine macula

Vivant per cuncta saecula.
Isti sunt divini fructus,
Qui sponsum suum audiunt,
Quos rigavit aquaeductus,

30. Laeti quem suscipiunt,.
Qui de throno gratiae
Larga pietate
Stillat rorem veniae
Pia largitate.

35. Istae rosae rubicundae,

Quas ver et aestas protulit,

Istae margaritae mundae,

Quas Christo mater obtulit.

Istae quasi libanus
40. Odorem sponso referunt,

Ardent velut clibanus

Et flammam sursum proferunt.

Hae sunt dulces citharistae

Ante Dei thronum,
45. Laudem dicunt tibi, Christe,

Qui es summum bonum.

Decoratae sunt corona

Gemmis adornata,

Ad mamillas splendens zona
50. Auro fabricata.

Hae praecedunt virginem

[Matrem] salvatoris,

Dicimus laudabilem,

Haec est flos amoris.
55. Dulcis haec collectio,

Quam Christus adunavit

Sponsi quam dilectio

Sanguine mundavit.

Propter fidem castitatis
60. Mori sunt paratae,

Multis poenis castigatis

Omnes sunt vocatae.

Quas dira persecutio

Ferox Daciana
65. Diverso supplicio

In fide errana[!]

Interemit misere

Propter Christi fidem

Et pro dotis manere
70. Receperunt quidem
Vitam sine termino
Cum virgine beata,
Quae et serto aureo
Exstat coronata.
75. Hoc praeclarum canticum,
Virgines iucundae,
Nobis sit angelicum,

Margaritae mundae,

Christum, sponsum castitatis,
80. Pro me deprecate,

Natam summae maiestatis

Precibus pulsate,

Ut post hanc miseriam

Mihi sit parata,
85. Ad caelestem patriam

Me ducat beata.