328. De s. Thoma Cantuariensi.

1. Sancte Thoma, archipraesul
sedis Cantuariae,
Cilicio, ieiuniis

domasti te summarie.

2. Tu pedes cotidie
tredecim lavisti,
Pavisti et singulis
denarios dedisti.

3. Favores et minas regis
Angliae contempsisti,
Eius vota contradicens
cum truce discessisti.
4. Sic post clamant: Capite
furem et proditorem,
Ad papam fugis ut ad
tutum (tuum) protectorem.

5. Hic te ad Pontiniacum
misit monasterium,
Ubi et in Francia
complevisti exsilium.

6. Tunc rex tua et tuorum
omnia diripuit
Ac tuam progeniem
exsilio damnavit.

7. Tandem anno septimo
permissus redire
Et receptus ut primo
nolens consentire,

8. Sed fidus ecclesiae
iura libertates
Defendisti libere

non timens potestates.

9. Ob hoc rex misit armatos
tuam in ecclesiam,

Qui te caedentes capitis
amputarunt coronam,

Sic excerebratus migras
ad vitam tibi pronam.

10. Ad missam tum requiem
a clero inchoatur,

Mox: Laetabitur iustus
in aetheris cantatur,

Sic dolor et genitus
in gaudium mutatur.

11. In te necantes ultio
Dei saeviebat,
Quos sanies, dementia,
Paralysis et furia
Misere vexahat.

12. Sancte Thoma, serve Dei,
Precor te, memento mei

Pie apud Dominum,
Ut tuo pio precatu
Absolutus a reatu

Per te sim in gratia,

13. Pie et iuste vivendo,
Singulis suum reddendo

Deo et hominibus,
Ut vocatus ad examen
Contra me non sit gravamen ;

Hoc donet Iesus. Amen.