Acta Benedicti Pp. XVI 137

nicare voluit quamque Ecclesia per longum suae historiae cursum plenius

usque declarare studuit ».2

Simili modo beatus Ioannes Paulus II, cum Synodum Episcoporum, ca-

techesi dicatam, ad finem adduceret, scripsit: « Catechesis, in toto evangeli-

zationis opere, eo nititur, ut sit gradus instituendi et maturescendi, id est

tempus, quo christianus, cum per fidem Iesum Christum ut solum Dominum

exceperit atque sincera cordis conversione ei totus adhaeserit, hunc Iesum,

cui se tradidit, melius cognoscere studet ».3

Ut vicesimam anniversariam memoriam Concilii Oecumenici Vaticani II

finiti celebraret, beatus Noster Decessor aliam Synodum Episcoporum indixit

atque, ea vertente, Synodales Patres flagrans desiderium patefecerunt ut Ca-

techismus conficeretur, ad universali Ecclesiae doctrinam ac rem moralem,

summatim compositeque dispositas secundum Concilii praescripta, tribuen-

das. Per Constitutionem Apostolicam Fidei depositum, die XI mensis Octobris

anno MCMXCII, beatus Ioannes Paulus II Catechismum Catholicae Ecclesiae pro-

mulgavit atque Nos Ipsi Motu proprio die XXVIII mensis Iunii anno MMV Com-

pendium Catechismi Catholicae Ecclesiae comprobavimus et promulgavimus.

Oblivisci non possumus alia itinera magni ponderis ad naturam, metho-

dum ac catechesis fines in evangelizationis processu definienda. Anno

MCMLXXI Sacra Congregatio pro Clericis Directorium catechisticum generale

edidit, quod primum in variis Ecclesiis localibus iter factum summatim com-

plecteretur, quae interea suum catechesis cursum compleverant. Post Cate-

chismum Catholicae Ecclesiae evulgatum, eadem Congregatio pro Clericis,

anno MCMXCVII, Directorium generale pro catechesi foras emisit, Ecclesiae desi-

derium confirmans primum catechesis iter ex more ad conversionem obtinen-

dam dicari debere.4

Conciliaris doctrina ac subsequens Magisterium, hac de re cum magnam

Ecclesiae traditionem interpretarentur, strictius usque catechesim cum evan-

gelizationis processu coniunxerunt. Catechesis ideo insigne iter in cotidiana

Ecclesiae vita secum fert, ut impense efficaciterque annuntietur ac transmit-

tatur Dei Verbum, ita ut ipsum ad omnes perveniat, atque credentes in

Christo instituantur atque educentur, ad eius Corpus, quod est Ecclesia,

constituendum.5

2 N. 44: AAS 68 [1976], 34. 3 Adhort. ap. Catechesi tradendae, 20: AAS 71 [1979], 1294. 4 Cfr n. 62. 5 Cfr Catechismus Catholicae Ecclesiae, 4.